قازاقستاندىق تەننيسشىلەر ۇزدىكتەر قاتارىندا

الماتىدا ۇستەل تەننيسىنەن "سontender" حالىقارالىق ءتۋرنيرى ءوتىپ جاتىر.

جارىستىڭ ءۇشىنشى كۇنى جۇپتىق جانە ارالاس جۇپتىق باسەكەلەر ءوتتى. قازاقستان سپورتشىلارى اراسىنان ءبىرىنشى بولىپ جارىس جولىنا شىققان باقداۋلەت اكىمالي مەن ىرىسبەك ارتىقمەتوۆ جۇڭگو ەلىنىڭ شەبەرلەرىنە جول بەرىپ قويدى، دەپ حابارلايدى Almaty-akshamy.kz.

داستان كەنجەعۇلوۆ پەن سانجار جۇبانوۆ جۇبى بولسا فرانسيالىق اتلەتتەردىڭ الدىن وراپ كەتتى. بۇرىمدى سپورتشىلار جارىسىندا اييا الىمبايەۆا مەن گۋزەل تورشايەۆا كەلەسى كەزەڭگە سۇرىنبەي ءوتتى. ارالاس جۇپتىق باسەكەدە الان قۇرمانعالييەۆ پەن سارۆينوز ميركاديروۆا قارسىلاسىن 3:2 ەسەبىمەن ۇتىپ، 1/8 فينالعا جولداما الدى. ال جەكەلەي جارىستى نەگىزگى كەزەڭنەن باستايتىن وتانداسىمىز كيريلل گەراسيمەنكو 1/16 فينالدا حورۆاتيا سپورتشىسىمەن ءوزارا مىقتىنى انىقتايدى. جۇلدە قورى 75 مىڭ دوللاردى قۇرايتىن حالىقارالىق تۋرنير جەڭىمپازدارى 3ء-شى قىركۇيەك كۇنى بەلگىلى بولادى.

"بۇل جارىستى اتاپ وتەتىن بولساق، كونتەندەر الەم دەڭگەيىنە ساي وتە كەرەمەت نۇسقادا ءوتىپ جاتىر. بىزدەر ويىنشى رەتىندە ريزامىز. مىناداي مىقتى-مىقتى ەلدەردەن ويىنشىلار كەلىپ، جەكە تاجىريبە رەتىندە كوپ نارسە الىپ جاتىرمىز. اتاپ وتەتىن بولساق، شەت ەلگە شىعىپ جۇرگەندە وسىنداي كونتەندەر جارىسى مىناداي ءبىزدىڭ دەڭگەيدە ەشقانداي ەلدە وتكىزبەيدى"، دەيدى ۇستەل تەننيسىنەن حالىقارالىق دارەجەدەگى سپورت شەبەرى داستان كەنجەعۇلوۆ.