قازاقستاندىق كارينا جۇماجانوۆا جۇپتىق سىندا 18 جاسقا دەيىنگىلەر اراسىندا ىستانبۇلدا مارەگە جەتكەن ءتورتىنشى ساناتتاعى تۋرنيردە جەڭىمپاز اتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
كارينا فرانسيالىق مارگو فانتالامەن بىرگە فينالدا جارىستىڭ 3-راكەتكالارى - مىسىرلىق ماريام يبراحيم، مالايزيالىق سۋن يان تانمەن شەبەرلىك بايقاستى.
قازاقستاندىق-فرانسيالىق جۇپ تارتىستى باسەكەدە 3:6، 6:1، 10:8 ەسەبىمەن جەڭىسكە جەتتى.
كارينا جۇماجانوۆا جەكەلەي سىندا شيرەك فينالعا دەيىن جەتىپ، وندا نورۆەگيالىق ەميليا لۋندەگە ەسە جىبەردى – 5:7، 3:6.
سونداي-اق، الماتى قالاسىنداعى «ەيس» تەننيس ورتالىعىندا «Almaty Masters 10&Under» ءتۋرنيرى اياقتالدى. وعان ەلىمىزدىڭ بارلىق وڭىرلەرىنەن 70-تەن استام بالعىن تەننيسشى قاتىستى.
قىزدار اراسىندا فينالدا تالدىقورعاندىق ايىم قاناعاتوۆانى جەڭگەن الماتىلىق ادەمى السەيپۋلوۆا چەمپيون اتاندى. ءۇشىنشى ورىن ەلوردالىق پولينا لازارەنكوعا بۇيىردى.
ۇل بالالار اراسىندا سوڭعى سىندا ەلوردالىق بولاتجان نۇرداۋلەتتى سۇرىندىرگەن وسكەمەندىك يۋگاي ليەۆ ۇزدىك شىقتى. قاراعاندىلىق تەمىرلان جانتەمىروۆ قولا جۇلدەگە يە بولدى.