الماتىدا وتان قورعاۋشىلار كۇنى مەن قازاقستان قارۋلى كۇشتەرىنىڭ 30 جىلدىعىنا ارنالعان سالتاناتتى شارا ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
رەسپۋبليكا سارايىندا الماتى قالاسى اكىمىنىڭ ورىنباسارى ارمان قىرىقبايەۆ قالا باسشىسىنىڭ اتىنان اسكەري قىزمەتكەرلەرگە، توتەنشە جاعدايلار دەپارتامەنتى مەن پوليسيا قىزمەتكەرلەرىنە العىس حاتتار تابىس ەتتى.
ولاردىڭ ءبارى قىزمەت بارىسىندا ەرەكشە كوزگە تۇسكەن قىزمەتكەر. ماراپاتتالعاندار قاتارىندا قاڭتار وقيعاسى كەزىندە ادامداردى ورتتەن امان الىپ قالعان، جارالى ساربازداردى اۋرۋحاناعا جەتكىزگەن تۇلعالار دا بار.
ماراپاتتاۋ سالتاناتىنىڭ سوڭى كونسەرتكە ۇلاستى. ساحنادا تانىمال ەسترادا جۇلدىزدارى ونەر كورسەتتى.