قازاقستاندىق تەننيسشى ەلەنا رىباكينا سيدنەي مەن پەرتتە (اۆستراليا) ءوتىپ جاتقان ارالاس كوماندالار اراسىنداعى United Cup ءتۋرنيرىن جەڭىسپەن باستادى.
قازاقستاننىڭ ءبىرىنشى راكەتكاسى يسپاندىق تەننيسشى دجەسسيكا بۋزاس مانەيرومەن (54-ورىن) كەزدەستى. ناتيجەسىندە رىباكينا ەكى سەتتە (6:2، 6:3) سەنىمدى تۇردە جەڭىسكە جەتىپ، قازاقستان مەن يسپانيا اراسىنداعى ماچتا ەسەپتى تەڭەستىردى (1:1)، دەپ حابارلايدى aqshamnews.kz ۇوك-كە سىلتەمە جاساپ.
بۇعان دەيىن الەكساندر شيەۆچەنكو پابلو كاررەنو-بۋستەگە ەكى سەتتە (2:6، 1:6) ەسە جىبەرگەن ەدى.
2025 جىلدىڭ 5 قاڭتارىنا دەيىن جالعاساتىن تۋرنيردە قازاقستاندىقتار «س» توبىنا ءتۇسىپ، يسپانيا جانە گرەسيا قۇرامالارىمەن ب ا ق سىنايدى. ۇلتتىق قۇراما ساپىندا ەلەنا رىباكينا، جىبەك قۇلامبايەۆا، الەكساندر شيەۆچەنكو، دميتريي پوپكو جانە كوماندانىڭ كاپيتانى الەكساندر نەدوۆەسوۆ ونەر كورسەتەدى.