قازاقستاندىق الەكساندر نەدوۆەسوۆ جۇپتىق سىندا براتيسلاۆا قالاسىندا (سلوۆاكيا) وتكەن Peugeot Slovak Open چەللەندجەر ءتۋرنيرىنىڭ جەڭىمپازى اتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستان تەننيس فەدەراسياسىنان ءمالىم ەتكەندەي، قازاقستاندىق تەننيسشى ۋكراينالىق دەنيس مولچانوۆپەن بىرگە جۇلدە قورى 68 مىڭداي ەۋروعا باعالانعان جارىستا ۇزدىك شىقتى.
دودانىڭ ءۇشىنشى راكەتكاسى بولىپ تىركەلگەن قازاقستاندىق-ۋكراينالىق جۇپ فينالدا چەحيالىقتار پەتر نوزا - اندرەي پولسوندى 4:6، 6:4، 10:6 ەسەبىمەن تىزە بۇكتىردى.
وسىلايشا ا.نەدوۆەسوۆ ءوزىنىڭ سپورت جولىندا چەللەندجەر تۋرنيرلەرىندە 25-تيتۋلىنا قول جەتكىزدى.
سونىڭ ۇشەۋىن جەكەلەي، 22ء-سىن جۇپتىق سىندا جەڭىپ الدى.
وتكەن جىل نەدوۆەسوۆ ءۇشىن اسا تابىستى بولدى، ول جەتى رەت چەمپيون اتاندى. بۇل - ونىڭ جەكە رەكوردى.
سۋرەت: Inform.kz