د.پوپكو ATP رەيتينگىسىندە 164-ورىنعا كوتەرىلەدى
قازاقستاندىق تەننيسشى دميتريي پوپكو ليسسابون چەللەندجەر ءتۋرنيرىنىڭ چەمپيونى اتاندى، دەپ حابارلايدى Almaty-akshamy.kz Olympic.kz-كە سىلتەمە جاساپ.
دۇنيەجۇزىلىك رەيتينگتە 187-ورىندا تۇرعان قازاقستاندىق سپورتشى فينالدا يتاليالىق اندرەا پەللەگرينونى 6:2، 6:4 ەسەبىمەن جەڭدى.
ەكى ساعاتقا جۋىق سوزىلعان ماچ بارىسىندا پوپكو 1 ەيس جاساپ، 5 برەيك-پوينتتىڭ تورتەۋىن پايدالاندى. قارسىلاسى 1 برەيكتەن اسا المادى. بۇل ولاردىڭ ءوزارا العاشقى كەزدەسۋى ەدى.
بۇعان دەيىن د.پوپكو ەكى مارتە وسىنداي دودانىڭ فينالىندا ونەر كورسەتىپ، جەڭىلىپ قالعان ەدى. ءسويتىپ ءوز سپورتتىق جولىندا چەللەندج تۋرنيرلەرىندەگى ءبىرىنشى تابىسىنا قول جەتكىزىپ وتىر. پورتۋگالياداعى جارىستىڭ قورىتىندىسىنا سايكەس د.پوپكو ATP رەيتينگىسىندە 164-ورىنعا كوتەرىلەدى. بۇل ونىڭ ۇزدىك كورسەتكىشى بولماق.