جەمقورلىققا جول جوق
ءال-فارابي اتىنداعى قازۇۋ ستۋدەنتتەرىنە سىبايلاس جەمقورلىققا قارسى زاڭناما ماسەلەلەرى، سىبايلاس جەمقورلىققا قارسى ساياساتتىڭ جاڭا تۇجىرىمداماسىن ازىرلەۋ، سونداي-اق سىبايلاس جەمقورلىققا قارسى ءىس-قيمىلدىڭ باسقا دا وزەكتى ماسەلەلەرى بويىنشا TEDx فورماتىندا ءدارىس وتكىزىلدى، دەپ حابارلايدى Almaty-akshamy.kz.
سپيكەر – الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىسى مۇرات احمەتوۆ سىبايلاس جەمقورلىققا قارسى مادەنيەتتى قالىپتاستىرۋدىڭ، پاراساتتىلىق، ادالدىق، جاۋاپتىلىق جانە پاتريوتيزم قاعيداتتارىن بويىنا ءسىڭىرۋدىڭ ماڭىزدىلىعىن اتاپ ءوتتى.
«سىزدەر – ءبىزدىڭ جاستارىمىز، حالىقتىڭ نەعۇرلىم بەلسەندى بولىگى بولا وتىرىپ، ۇلتتىق باسەكەگە قابىلەتتىلىكتى ارتتىرۋدىڭ ماڭىزدى فاكتورى بولىپ تابىلاسىزدار. بىلىمگە ۇمتىلىڭىزدار! ءوز قۇقىعىڭىز بەن زاڭدارىڭىزدى ءبىلىڭىز»، – دەدى مۇرات احمەتوۆ.
سونداي-اق، سپيكەر سىبايلاس جەمقورلىققا قارسى قىزمەتتىڭ جۇمىسى تۋرالى ايتىپ، ستۋدەنتتەرمەن قۇقىق بۇزۋشىلىقتارعا تاپ بولعان كەزدە قايدا جۇگىنۋ كەرەكتىگىن ءبولىستى:
«ەگەر ءسىز سىبايلاس جەمقورلىق بۇزۋشىلىقتارعا تاپ بولساڭىز، وندا ءسىز ءارقاشان «سىبايلاس جەمقورلىققا قارسى قىزمەت – 1424» كولل-ورتالىعىنا جۇگىنە الاسىز. بۇل ءسىزدىڭ ەلىمىزدىڭ سىبايلاس جەمقورلىققا قارسى قىزمەتىنە قاتىسۋىڭىز. شەتتە بولماۋ، سىبايلاس جەمقورلىقپەن كۇرەسەتىندەرگە كومەكتەسۋ ماڭىزدى»، - دەدى ول.
كەزدەسۋ سوڭىندا قالانىڭ سىبايلاس جەمقورلىققا قارسى كۇرەس ۆەدومستۆوسىنىڭ باسشىسى شاراعا قاتىسۋشىلار تاراپىنان قويىلعان سۇراقتارعا جاۋاپ بەردى. ءوز كەزەگىندە جاستار سىبايلاس جەمقورلىققا قارسى ساياساتتى جەتىلدىرۋ بويىنشا ءوز يدەيالارى مەن ۇسىنىستارىمەن الماستى.