قازاقستاندىق الەكساندر نەدوۆەسوۆ جۇپتىق سىندا يسپانياداعى ماربەليا چەللەندجەر ءتۋرنيرىنىڭ شيرەك فينالىنا شىقتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، جارىستىڭ ءبىرىنشى راكەتكاسى بولىپ تىركەلگەن ا.نەدوۆەسوۆ پەن پاكستاندىق ايسام كۋرەشي باستاپقى كەزدەسۋىن برازيليالىق رافاەل ماتوس – يسپانيالىق داۆيد ۆەگا-ەرناندەسپەن وتكىزدى.
قازاقستاندىق-پاكستاندىق جۇپ 6:3، 6:4 ەسەبىمەن جەڭىسكە جەتتى.
نەدوۆەسوۆ پەن كۋرەشي 1 ساعات 22 مينۋتقا سوزىلعان باسەكە بارىسىندا 5 برەيك-پوينتتىڭ ەكەۋىن پايدالانا ءبىلدى. ولاردىڭ شيرەك فينالداعى قارسىلاستارى كەيىن انىقتالادى.
پورتۋگاليانىڭ وەيراش قالاسىندا ءوتىپ جاتقان چەللەندجەر جارىسىندا جەكەلەي سىندا دميتريي پوپكو العاشقى كەزدەسۋىندە يتاليالىق لۋسيانو داردەريدەن 3:6، 2:6 ەسەبىمەن ۇتىلىپ قالدى. ال تيموفەي سكاتوۆ ەكىنشى اينالىمدا برازيليانىڭ ءبىرىنشى، الەمنىڭ 116-راكەتكاسى تياگو مونتەيروعا تارتىستى ماچتا ەسە جىبەردى – 7:6 (7:5)، 2:6، 6:7 (4:7).