قازاقستاندىق تەننيسشى، ۋيمبلدون-2022 چەمپيونى ەلەنا رىباكينا ەلىمىزدىڭ جاس تەننيسشىلەرىنە قولداۋ كورسەتتى.
ەلەنا رىباكينا «ۋيمبلدون-2022» جەڭىسىنەن كەيىن جۇلدە قاراجاتىنىڭ ءبىر بولىگى وتاندىق جاس تەننيسشىلەردى قولداۋعا باعىتتالاتىنىنا ۋادە بەرگەن ەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ال كەلەسى كۇنى چەمپيون قازاقستاندىق جاس تەننيسشىلەرگە قولداۋ كورسەتىپ، ولاردىڭ بولاشاقتا ۇزدىك ويىنشى بولۋعا ۇمتىلۋىنا قاراجات ءبولدى. ە.رىباكينا جاس تەننيسشىلەردى ءوزى تاڭداپ، ناتيجەسىندە 14 ويىنشى 2،5 ملن تەڭگەدەن الدى. ولاردىڭ قاتارىندا لينارا بولەشيەۆا، پولينا بارابانوۆا، امينا نۇراحان، اريانا گوگۋلينا، ساتيما تورەگەن، ەۆا كارىشيەۆا، البينا كاكەنوۆا، ارۋجان ارىستانبەكوۆا، دانا بايداۋلەت، ىڭكار دۇيسەباي، اييا ءنۇپباي، پولينا سلەپسوۆا، ساندۋعاش كەنجەبايەۆا جانە زارا داركەن بار.
سونداي-اق، جاس تەننيسشىلەر ەلەناعا حات جازىپ، اتالعان سپورتقا كەلۋ تاريحى تۋرالى ايتىپ بەردى.
«مەنىڭ ويىمشا، جاس تەننيسشىلەر اراسىندا تۋرنير ۇيىمداستىرىپ، ولارعا گرانتتار تاعايىنداۋ دۇرىس بولار ەدى. ويتكەنى، مەن ءبىر كەزدەرى قازاقستاننان ۇلكەن قولداۋ تاپتىم. ەندى جاس ۇرپاقتىڭ دامۋىنا كومەكتەسۋ - مەنىڭ كەزەگىم»،- دەگەن ەدى ەلەنا رىباكينا ۋيمبلدوندا جەڭىسكە جەتكەننەن كەيىن.
وسىلايشا، سپورتشى ءوز ۋادەسىن ورىندادى.