قازاقستاندىق تەاترلار 2024 جىلعى تەاتر ماۋسىمىن ءبىرقاتار پرەمەرالارمەن جانە تانىمال قويىلىمدارمەن قورىتىندىلايدى، دەپ حابارلايدى Almaty-akshamy.kz
اباي اتىنداعى قازاق ۇلتتىق وپەرا جانە بالەت تەاترى ءوزىنىڭ 90-شى مەرەيتويلىق ماۋسىمىن ح. ليەۆەنسحولدتىڭ «سيلفيدا» رومانتيكالىق بالەتىنىڭ جاڭا قويىلىمىمەن اياقتادى.
قۇددىس قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترى ماۋسىمدى تەاتردىڭ 90 جىلدىعىنا ارنالعان مەرەيتويلىق گالا-كونسەرتپەن جاپتى.
مۇحتار اۋەزوۆ اتىنداعى قازاق ۇلتتىق دراما تەاترى 98ء-شى ماۋسىمىن جابادى. 25 ماۋسىمدا كورەرمەنگە «قوزى كورپەش-بايان سۇلۋ» سپەكتاكلى كورسەتىلەدى.
28 ماۋسىمدا مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترى 92ء-شى ماۋسىمىن «ين-يان» قويىلىمىمەن اياقتايدى.
رەسپۋبليكالىق اكادەميالىق نەمىس دراما تەاترى 30 ماۋسىمدا «چەلوۆەك پودۋشكا» سپەكتاكلىمەن 44ء-شى ماۋسىمىنىڭ شىمىلدىعىن جابادى.
بيكەن ريموۆا اتىنداعى تالدىقورعان دراما تەاترى 48ء-شى ماۋسىمىن ق.تىلەۋحاننىڭ «مەدال» سپەكتاكلىنىڭ پرەمەراسىمەن اياقتايدى. قويىلىم 29 جانە 30 ماۋسىمدا كورەرمەنگە ۇسىنىلادى.
«استانا وپەرا» مەملەكەتتىك وپەرا جانە بالەت تەاترىنىڭ 11ء-شى ماۋسىمى 13 شىلدەدە قورىتىندىلانباق. وندا «ەركىن مەرگەن» وپەراسىنىڭ پرەمەراسى ساحنالانادى.
قاليبەك قۋانىشبايەۆ اتىنداعى قازاق ۇلتتىق مۋزىكالىق-دراما تەاترى 33ء-شى ماۋسىمىن 14 شىلدەدە «قاراگوز» سپەكتاكلىنىڭ پرەمەراسىمەن اياقتايدى.
31 شىلدەدە عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى 78ء-شى ماۋسىمىن «ۇلپان» سپەكتاكلىنىڭ پرەمەراسىمەن جابادى.
ايتا كەتەيىك، كوپتەگەن پرەمەرالار مەن كورەرمەن كوڭىلىنەن شىققان قويىلىمدار ەلدەگى تەاتر ونەرىنىڭ جوعارى دەڭگەيىن ايشىقتاپ جانە كەلەسى ماۋسىمدا جاڭا، جان تەبىرەنتەر قويىلىمداردىڭ ساحنالانۋىنا سەپ بولادى.