پاۆلودارلىق ولجاس نۇرلانوۆ «74th Coupe Mondiale» حالىقارالىق بايقاۋىندا جەڭىسكە جەتتى
پاۆلودار وبلىسىنىڭ 22 جاسار تۋماسى وسى ۋاقىتقا دەيىن 30-دان استام حالىقارالىق بايقاۋدىڭ باس بايگەسى مەن جۇلدەسىن الىپ ۇلگەرگەن. ال الەم كۋبوگى بايقاۋى – اككوردەونشىلار حالىقارالىق كونفەدەراسياسى جىل سايىن وتكىزەتىن اككوردەون ورىنداۋشىلارىنىڭ سايىسى، دەپ حابارلايدى Almaty-akshamy.kz Kursiv.kz-كە سىلتەمە جاساپ.
العاش رەت 1938 جىلى پاريجدە وتكەن بايقاۋ بيىل ميۋنحەن قالاسىندا 13-17 قازان ارالىعىندا ۇيىمداستىرىلدى. چەمپيون اتاعى ءۇشىن بۇكىل الەمنىڭ ورىنداۋشىلارى ب ا ق سىنادى.
ولجاس ونەر كورسەتكەن «Senior Coupe Mondiale» ساناتىنداعى بايقاۋ ءۇش تۋردان تۇردى. بايقاۋ فينالىنا جەتى مۋزىكانتتىڭ تورتەۋى عانا ءوتتى.
پاۆلودارلىق تالانتتىڭ ورىنداۋىنداعى يوگانن سەباستيان باح، دومەنيكو سكارلاتتي، فەرەنس ليست، ميحايل گلينكانىڭ شىعارمالارى قازىلار القاسى تاراپىنان جوعارى باعالاندى.
«الەم كۋبوگى – ءاربىر كاسىبي سىرنايشى ءۇشىن ەرەكشە سىيلىق. مەن بۇل ماقساتقا جەتۋگە بالا كەزىمنەن تىرىستىم، بارىمدى سالدىم. وسىنداي جەتىستىككە جەتۋگە سەبەپكەر بولعا ۇستازدارىما، قولداۋ كورسەتكەن جاناشىر جاندارعا العىس ايتامىن»،-دەيدى ونەرپاز.
ولجاس نۇرلانوۆ 1999 جىلى پاۆلودار قالاسىندا دۇنيەگە كەلگەن. 6 جاسىندا دارىندى بالالارعا ارناعان مۋزىكالىق مەكتەپ-ينتەرناتتىڭ بايان سىنىبىنا وقۋعا ءتۇستى. مۋزىكالىق كوللەدجدە تاتارستان رەسپۋبليكاسىنىڭ ەڭبەك سىڭىرگەن ءارتىسى، پروفەسسور، «قۇرمەت» وردەنىنىڭ كاۆالەرى دامير سۋلتانوۆتان ساباق الدى. 2018 جىلى ءبىلىمىن رەسەي مۋزىكا اكادەمياسىندا جالعاستىرىپ، رەسەي فەدەراسياسىنىڭ حالىق ءارتىسى، پروفەسسور ليپس فريدريح روبەرتوۆيچتىڭ كلاسىندا ءتالىم الدى.
قازىرگى ۋاقىتتا ليۋدميلا زىكينا اتىنداعى «روسسيا» ءانسامبلىنىڭ ءسوليسى بولىپ ەڭبەك ەتەدى.