العاشقى 100 قازاقستاندىق ستۋدەنت Satbayev University بازاسىندا اشىلعان CityU (CityUHK Institute of Research and Innovation - CIRI)، زەرتتەۋلەر جانە يننوۆاسيالار ينستيتۋتىندا وقۋدى باستادى، دەپ حابارلايدى aqshamnews.kz
سالتاناتتى راسىمگە ق ر عىلىم جانە جوعارى ءبىلىم ۆيسە-مينيسترى دينارا ششەگلوۆا، الماتى اكىمىنىڭ ورىنباسارى ازامات قالدىبەكوۆ، قحر باس كونسۋلى سزيان ۆەي جانە باسقا دا رەسمي تۇلعالار قاتىستى.
Satbayev University رەكتورى مەيرام بەگەنتايەۆ ينستيتۋتتىڭ اشىلۋى قازاقستاندا جوعارى ءبىلىم مەن عىلىمنىڭ ساپاسىن ارتتىرۋ جونىندەگى مەملەكەتتىك باعدارلامانىڭ ءبىر بولىگى ەكەنىن اتاپ ءوتتى. Cityu-مەن سەرىكتەستىكتىڭ ارقاسىندا قازاقستاندىق ستۋدەنتتەر الەمنىڭ جەتەكشى زەرتتەۋ جوعارى وقۋ ورىندارىنىڭ بىرىندە ءبىلىم الا الادى.
City QS رەيتينگىندە 62ء-شى ورىندا جانە Times Higher Education بويىنشا الەمدەگى ەڭ ۇزدىك 100 ۋنيۆەرسيتەتتىڭ قاتارىنا كىرەدى. CityUء-دىڭ 170-تەن استام وقىتۋشىلارى پلانەتانىڭ ەڭ كوپ سىلتەمە جاساعان عالىمدارىنىڭ 2% - نا ەنەدى (ستەنفوردتىڭ مالىمەتى بويىنشا).
«الماتىدا حالىقارالىق ۋنيۆەرسيتەت كامپۋسىنىڭ اشىلۋىمەن قۇتتىقتايمىن. بۇل ستۋدەنتتەرگە ساپالى ءبىلىم الۋعا مۇمكىندىك بەرىپ، عىلىم مەن يننوۆاسيا ءۇشىن جاڭا مۇمكىندىكتەر تۋعىزاتىنىنا سەنىمدىمىن»، - دەپ اتاپ ءوتتى ازامات قالدىبەكوۆ ءوز سوزىندە.
اشىلۋ كۇنى قازاقستاندا توپ-100 شەتەلدىك جوو-مەن قوس ديپلوم تۋرالى العاشقى PhD-شارت ىسكە قوسىلدى. بۇرىن مۇنداي كەلىسىمدەر تەك باكالاۆريات پەن ماگيستراتۋراعا قاتىستى بولاتىن.
بۇرىن قول قويىلعان كەلىسىمگە سايكەس جوعارى وقۋ ورىندارى ماتەريالتانۋ، جاساندى ينتەللەكت جانە ازاماتتىق قۇرىلىس سالالارىندا «2+2» (باكالاۆريات) جانە «1+1» (ماگيستراتۋرا) سىزبالارى بويىنشا بىرلەسكەن باعدارلامالاردى ىسكە اسىرادى.
وقىتۋ اعىلشىن تىلىندە جۇرگىزىلەدى، ستۋدەنتتەر عىلىم جانە جوعارى ءبىلىم مينيسترلىگىنىڭ گرانتتارى بويىنشا وقيدى. العاشقى ەكى جىل - الماتىدا، قالعاندارى - گونكونگتا. PhD-ستۋدەنتتەر سونىمەن قاتار جەتەكشى حالىقارالىق زەرتحانالاردا تاعىلىمدامادان وتە الادى.
ينستيتۋتتىڭ اشىلۋى مەملەكەت باسشىسى قاسىم-جومارت توقايەۆتىڭ شەتەلدىك جوعارى وقۋ ورىندارى فيليالدارىنىڭ سانىن ۇلعايتۋ تۋرالى تاپسىرماسىن ورىنداۋ اياسىندا وتۋدە. جاڭا ينستيتۋت ترانسشەكارالىق عىلىمي ىنتىماقتاستىق پەن الەمدىك دەڭگەيدەگى كادرلاردى دايارلاۋ الاڭىنا اينالادى. بۇل قىتايدان تىس جەردە قۇرىلعان CityUء-دىڭ العاشقى