الماتىدا ەسىرتكى جارناماسى بار جازۋلاردى بوياۋعا ارنالعان كەزەكتى بىرلەسكەن ناۋقان ءوتتى، — دەپ حابارلايدى aqshamnews.kz Polisia.kz-كە سىلتەمە جاساپ.
تۇرعىن اۋداندا ەرىكتىلەر مەن پوليسيا قىزمەتكەرلەرى، قابىرعالاردى، تىيىم سالىنعان زاتتاردى ناسيحاتتايتىن جازۋلاردان تازارتتى. ناۋقانعا “اماNAT” پارتياسى جانىنداعى “جاستار رۋحى” جاستار قاناتىنىڭ بوستاندىق اۋداندىق فيليالىنىڭ، “NARKOSTOP” جوباسىنىڭ “JAS Volunteers” ۆولونتەرلىك ۇيىمىنىڭ وكىلدەرى، الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى، سونداي-اق بوستاندىق اۋدانى اكىمى اپپاراتىنىڭ قىزمەتكەرلەرى قاتىستى. ءىس-شارا مەملەكەت باسشىسى بەلگىلەگەن “زاڭ جانە ءتارتىپ” قاعيداتى رۋحىندا جانە ق ر ىشكى ىستەر مينيسترلىگى جاريالاعان “پروفيلاكتيكا جىلى” اياسىندا ءوتتى.
ناۋقاننىڭ باستى ماقساتى – ەسىرتكىنىڭ كورنەكى ناسيحاتىن جويۋ عانا ەمەس، سونىمەن قاتار ەسىرتكى قاۋپىمەن كۇرەسۋ بارلىق قۇرىلىمداردىڭ: مەملەكەتتىك ورگانداردىڭ، پوليسيانىڭ جانە ازاماتتىق سەكتوردىڭ كۇش-جىگەرىن بىرىكتىرۋدى تالاپ ەتەتىن قوعامنىڭ ورتاق ءىسى ەكەنىن كورسەتۋ. مۇنداي باستامالار قوعامدا ەسىرتكى قىلمىسىنا مۇلدەم توزبەۋشىلىكتى قالىپتاستىرۋعا جانە جاستاردى ءوز قالاسى مەن بولاشاق ۇرپاقتى قورعاۋ ءۇشىن ناقتى ارەكەتتەرگە تارتۋعا كومەكتەسەدى.
اقپارات كوزى