م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ ستۋدەنتتەرى وسىنداي مۇمكىندىككە يە بولدى.
بۇل اتالمىش ۋنيۆەرسيتەتپەن ستراتەگيالىق ارىپتەستىك شەڭبەرىندە ىسكە اسىرىلادى، دەپ حابارلايدى Almaty-akshamy.kz ق ر بعم باسپا ءسوز قىزمەتىنە سىلتەمە جاساپ.
قازاقستاندىق ستۋدەنتتەر ەلىمىزدە وقۋىن جالعاستىرا وتىرىپ، اقش-تىڭ بەدەلدى جوعارى وقۋ ورنى اريزونا ۋنيۆەرسيتەتىنىڭ ديپلومىن الا الادى.
قازاقستاندىق تاراپ اريزونا ۋنيۆەرسيتەتىنىڭ وكىلدەرىن شاقىردى. ولار وتاندىق جوعارى وقۋ ورىندارىنىڭ مۇمكىندىكتەرى مەن الەۋەتىن زەردەلەپ، ارىپتەس رەتىندە م. قوزىبايەۆ اتىنداعى سولتۇستىك قازاقستان ۋنيۆەرسيتەتىن تاڭدادى. دەلەگاسيانىڭ قازاقستانعا ساپارى كەزىندە مينيسترلىك پەن ۋنيۆەرسيتەت اراسىندا مەموراندۋم جاسالدى. جۋىردا ىنتىماقتاستىقتى نىعايتۋ ءۇشىن ۇيىمداستىرۋ ءىس-شارالارى وتكىزىلەتىن بولادى.
جاسالعان كەلىسىمدەر اياسىندا وتاندىق ۋنيۆەرسيتەت ەكى عاسىردان استام تاريحى بار امەريكاندىق جوعارى وقۋ ورنىنىڭ تاجىريبەسىن قولداناتىن بولادى.
امەريكالىق وقىتۋشىلار قازاقستاندىق ارىپتەستەرىمەن ستۋدەنتتەردىڭ زەرتتەۋ داعدىلارىن دامىتۋعا باعىتتالعان وقىتۋ تەحنولوگيالارىمەن بولىسەدى.
اريزونا ۋنيۆەرسيتەتى قازاقستاندىق جوعارى وقۋ ورنىنىڭ ستۋدەنتتەرى مەن وقىتۋشىلارى ءۇشىن ءوزىنىڭ سيفرلىق كىتاپحاناسى مەن ءبىلىم بەرۋ رەسۋرستارىنا قولجەتىمدىلىكتى قامتاماسىز ەتەدى.
سونىمەن قاتار اريزونا ۋنيۆەرسيتەتى سولتۇستىك قازاقستان ۋنيۆەرسيتەتىنىڭ ستۋدەنتتەرىن بىرلەسىپ وقىتۋ ءۇشىن ءوز وقىتۋشىلارىن جىبەرەدى.
ساباقتاردى اعىلشىن تىلىندە وتكىزۋ جوسپارلانعاندىقتان، وتاندىق ۋنيۆەرسيتەتتە دايىندىق ءبولىمى – foundation اشىلادى.
تۇلەكتەر بىردەن ەكى ۋنيۆەرسيتەتتىڭ ديپلومىن الادى.
«جوبادا اكادەميالىق تەحنولوگيالار ترانسفەرى قاراستىرىلعان. اتاپ ايتقاندا، اريزونا ۋنيۆەرسيتەتى امەريكاندىق اكادەميالىق ستاندارتتار بويىنشا سقۋ وقىتۋشىلارى مەن ستۋدەنتتەرىنىڭ الەۋەتىن ارتتىرۋمەن اينالىساتىن بولادى. قازاقستاندىق جانە امەريكاندىق عالىمدار قاتارىنان بىرلەسكەن عىلىمي توپتار قۇرىلادى. ولار سولتۇستىك ءوڭىر ءۇشىن ءداستۇرلى اگروتەحنولوگيا جانە ينجەنەرلىك تەحنولوگيالار سياقتى باعىتتار بويىنشا جۇمىس ىستەيتىن بولادى. اريزونا ۋنيۆەرسيتەتىندە ەكى عاسىردان استام تاريحى بار. ءقازىر Times (THE) رەيتينگىندە جەتەكشى ورىندا تۇر. ۋنيۆەرسيتەت مەديسينا، فيزيكا جانە استرونوميا سالاسىنداعى جەتىستىكتەرىمەن تانىمال. قازىرگى ۋاقىتتا اريزونا ستۋدەنتتەرى مارستاعى جانارتاۋلار مەن ايداعى تاۋلاردىڭ سۋرەتتەرىن جەتكىزەتىن تەلەسكوپتى جاساۋمەن اينالىسىپ جاتىر. ولار NASA-مەن تىعىز جۇمىس ىستەيدى. بىرلەسكەن ىنتىماقتاستىقتى نىعايتۋ شارالارى جوعارى ءبىلىم بەرۋ سالاسىنا ۇلكەن سەرپىلىس بەرەدى»، – دەپ اتاپ ءوتتى م.قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ باسقارما ءتوراعاسى – رەكتور ەرلان شۋلانوۆ.