بولاشاق تۇلەگى دوسجان ءجۇسىپوۆتىڭ Cerebra مەديسينالىق ستارتاپى دانيا استاناسى كوپەنگاگەندە وتەتىن «Global Startup Awards» حالىقارالىق ستارتاپتار كونكۋرسىنىڭ فينالىندا ب ا ق سىنايدى.
دوسجان ءجۇسىپوۆ 2016 جىلدان بەرى ءوزىنىڭ جەكە ستارتاپتارىمەن اينالىسادى.
بۇرىن «بولاشاق» تۇلەگىنىڭ ستارتاپى Emerge Challenge 2021 ءفيناليسى اتانىپ، 700 ستارتاپتىڭ ىشىنەن توپ-5، Slingshot 2020 نۇسقاسى بويىنشا توپ-500 ستارتاپتىڭ قاتارىنا كىردى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
Cerebra – ءينسۋلتتى دەر كەزىندە انىقتاۋعا ارنالعان جاساندى ينتەللەكت. جوبا كۇردەلى ماسەلەنى كوتەرىپ وتىر، ويتكەنى ينسۋلت – قازاقستانداعى ءولىم-جىتىمنىڭ باستى سەبەپتەرىنىڭ ءبىرى. دوسجان كومانداسىنىڭ يننوۆاسيالىق ازىرلەمەسى دارىگەرلەرگە زاماناۋي تەحنولوگيالاردىڭ كومەگىمەن بارىنشا تەز ءارى ءدال دياگنوز قويۋعا كومەكتەسۋگە ارنالعان.
دوسجان ءجۇسىپوۆ 2016 جىلدان بەرى ءوزىنىڭ جەكە ستارتاپتارىمەن اينالىسادى. دوسجاننىڭ العاشقى جوباسى Med365 اتتى ءقاۋىپتى وندىرىستەر مەن كولىك جۇمىسشىلارىنىڭ مەديسينالىق تەكسەرۋدەن ءوتۋىن اۆتوماتتاندىرۋ جۇيەسى بولدى.