بۇل - قازاقستاننىڭ جەڭىل اتلەتيكا تاريحىنداعى تۇڭعىش التىن بولىپ وتىر.
اقش-تا ورەگوندا جەڭىل اتلەتيكادان 2022 جىلعى الەم چەمپيوناتى ءوتتى، دەپ حابارلايدى Almaty-akshamy.kz
قازاقستاندىق سپورتشى نورا دجەرۋتو تۇڭعىش رەت التىن مەدال الدى.
ايەلدەر اراسىندا 3 000 مەترگە كەدەرگىلەر ارقىلى جۇگىرۋدەن فينال مارەسىنە جەتتى. قازاقستاندىق نورا دجەرۋتو قاشىقتىقتى 8:53.02 ۋاقىت ارالىعىندا جۇگىرىپ ءوتىپ، جەڭىمپاز اتاندى.
بۇل التىن مەدال قازاقستاننىڭ جەڭىل اتلەتيكا تاريحىنداعى تۇڭعىش التىن بولىپ وتىر. ەكىنشى ورىندى ەفيوپيالىق سپورتشى ۆەركۋحا گەتاچيۋ (8:54.61)، ال ءۇشىنشى ورىندى ونىڭ وتانداسى مەكيدەس ابەبە (8:56.08) جەڭىپ الدى.
كەنيانىڭ تۋماسى نورا دجەرۋتو قازاقستانعا 2017 جىلى قونىس اۋدارىپ، 2022 جىلى الەم چەمپيوناتىندا ەل نامىسىن قورعاۋعا رەسمي رۇقسات العان.