قازاقستاندىق شۇبات شەتەلدەرگە ەكسپورتتالادى

ۇلتتىق سۋسىن – شۇباتقا دەگەن سۇرانىس جوعارى.

ەكولوگيالىق تازا ءونىم تەك قازاقستاندىقتار اراسىندا عانا ەمەس، شەتەلدە دە تانىمالدىلىققا يە. ءقازىر وتاندىق ءونىم كورشىلەس جۇڭگو مەن اراب ەلدەرىنە ەكسپورتتالىپ جاتىر، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ. 

شەتەلگە جونەلتۋ ماقساتىندا الماتى وبلىسىنداعى اقشي اۋىلى شۇبات ءوندىرىسىن وركەندەتۋگە كىرىستى. وتكەن جىلى مۇندا ۇنتاقتالعان تۇيە ءسۇتىن شىعاراتىن كاسىپورىن اشىلعان بولاتىن. مۇندا ايىنا 30 توننا ءونىم شىعارادى.

«تۇيە مالىن اسىراپ، باسىن كوبەيتىپ، ءسۇتىن كوبەيتىپ، ۇيلەرىنەن كادىمگى شۇبات رەتىندە ساتىپ جاتقان ازاماتتارىمىز بار. جاقسى قارقىنمەن، جاقسى باعىتتا كەلە جاتىر بۇل جۇمىستار بىزدە. دۇنيە جۇزىندە دە، ءبىزدىڭ مەملەكەتتە دە ەلدىڭ، جۇرتتىڭ، حالىقتىڭ كوزى جەتىپ وتىر، تازا ونىمدەرگە كوشىپ جاتىر»، - دەيدى كۇرتى اۋىلدىق وكرۋگىنىڭ اكىمى تولەگەن وماروۆ. 

شۇباتپەن قوسا، تۇيە ەتىنە دەگەن سۇرانىس تا وتە جوعارى. ويتكەنى ونىڭ قۇرامىندا حولەستەرين بولمايدى. ال مايى ءتۇرلى اۋرۋلاردى ەمدەۋ ماقساتىندا پايدالانادى.

«ەكى تۇيە الىپ باستادىم. سودان كەيىن ىزىنەن ءقازىر، قۇدايعا شۇكىر، 50 شاقتى تۇيەم بار. ءسويتىپ، نەعىلامىن دەگەن جوقپىن، قۇداي، اللانىڭ بەرگەن نەسىبەسى شىعار. بالالارىمنىڭ نەسىبەسى شىعار. ءسويتىپ، شۇباتپەن اينالىسىپ وتىرعان جاعدايىمىز بار. ەمدىك قاسيەتى كۇشتى مۇنىڭ»، - دەيدى اۋىل تۇرعىنى ەركىناي ءابىلحانوۆا. 

.