قاڭتار وقيعاسىندا اۋىر جاراقات العان پوليسەي مەملەكەتتىك ماراپاتقا يە بولدى

مەملەكەتتىك ماراپاتتى الماتى قالاسى پوليسيا دەپارتامەنتىنىڭ باستىعى ارىستانعاني زاپپاروۆ تابىس ەتتى

قاڭتار وقيعاسىندا اۋىر جاراقات العان پوليسەي مەملەكەتتىك سىيلىققا يە بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

پرەزيدەنت جارلىعىمەن قىزمەتتىك مىندەتتەرىن ءمىنسىز اتقارعانى، سونداي-اق قالادا زاڭدىلىق پەن قۇقىقتىق ءتارتىپتى قامتاماسىز ەتۋگە قوسقان ۇلەسى ءۇشىن الماتى قالاسى اۋەزوۆ اۋداندىق پب ۋچاسكەلىك ينسپەكتورى عازيز نۇرعالىموۆ ءىى دارەجەلى «ايبىن» مەدالىمەن ماراپاتتالدى.

ءتارتىپ ساقشىسىنا مەملەكەتتىك ماراپاتتى الماتى قالاسى پوليسيا دەپارتامەنتىنىڭ باستىعى ارىستانعاني زاپپاروۆ تابىس ەتتى.

«بىرىنشىدەن، سىزدەرگە، ءعازيزدىڭ اتا-اناسىنا، لايىقتى ۇل تاربيەلەگەندەرىڭىز ءۇشىن بارشا ۇجىم اتىنان مىڭ العىس. مەن بۇگىن ىشكى ىستەر ءمينيسترى مارات احمەتجانوۆتىڭ تاپسىرماسىمەن مەملەكەتتىك سىيلىقتى تابىستاۋ ءۇشىن ارنايى ميسسيامەن كەلدىم. ءعازيزدىڭ تەزىرەك ساۋىعىپ كەتۋىن تىلەيمىز. ءبىز الداعى ۋاقىتتا دا قولداۋ مەن كومەك كورسەتۋگە دايىنبىز»، – دەدى الماتى پوليسياسىنىڭ باسشىسى.

ەسكە سالايىق، اعا لەيتەنانت نۇرعالىموۆ بيىل قاڭتار ايىنداعى جاپپاي تارتىپسىزدىكتەردى باسۋ كەزىندە اۋىر جاراقات العان بولاتىن.

جۇزدەگەن اشۋلى دەمونسترانتتىڭ شابۋىلى مەن سوققىسىنان ءعازيزدىڭ ەكى بۇيرەگى دە ىستەن شىقتى.
ءقازىر گەمودياليزدەن ءوتىپ، وتا جاساتۋعا دايىندالىپ جاتىر.