قازاقستاندىق تاتتىلەر ءوندىرۋشىسى «لوتتە راحات» اق وتكەن جىلدى قورىتىندىلاپ، قارجىلىق ەسەپتىلىكتى جاريالادى. كومپانيانىڭ جالپى تابىسى 21،6 ملرد تەڭگەنى قۇرادى، ونىمدەرى الەمنىڭ توعىز ەلىندە ساتىلدى.
بىلتىر اتالعان كومپانيا بارلىق شىعىندى قوسا العاندا 8،66 ملرد تەڭگە تازا تابىس تاپقان، سالىستىرار بولساق 2022 جىلى بۇل كورسەتكىش 8،4 ملرد تەڭگە، دەپ حابارلايدى Almaty-akshamy.kz
كومپانيانىڭ ونىمدەرى الەمنىڭ توعىز ەلىندە ساتىلدى:
قازاقستان -2023 جىلى ءتۇسىم 76،9 ملرد تەڭگە؛
رەسەي - 11،17 ملرد تەڭگە؛
قىرعىزستان - 3،09 ملرد تەڭگە؛
وزبەكستان-2،07 ملرد تەڭگە؛
موڭعوليا-368 ملن تەڭگە؛
تاجىكستان - 305،59 ملن تەڭگە؛
گەرمانيا-305،18 ملن تەڭگە؛
ازەربايجان-34،8 ملن تەڭگە؛
اۋعانستان - 23،78 ملن تەڭگە.
ايتا كەتسەك، ازەربايجاندا تابىس 2022 جىلعى ساتۋ كورسەتكىشىنەن 10 ەسە تومەندەدى، ال اۋعانستان نارىعىنا «لوتتە راحات» وتكەن جىلى عانا شىقتى. سونىمەن قاتار، 2022 جىلى كومپانيا تاعى ءبىر شەتەلدىك نارىقتان شىقتى، سول جىلى كومپانيانىڭ 88 ملرد تەڭگەگە جۋىق ءونىمى ساتىلدى.
«لوتتە راحات» اق يەسى وڭتۇستىك كورەيانىڭ «Lotte Wellfood» كومپانياسى. اتالعان كومپانيا اكسيالاردىڭ 95،57% باقىلايدى، قالعان 4،43% قازاقستاندىق اكسيونەرلەرگە تيەسىلى.