قازاقستاندىق جاس شاحماتشىلار اسەل سەرىكباي مەن مەرۋەرت كاماليدەنوۆا الەم چەمپيوناتىنان ولجالى ورالدى، دەپ حابارلايدى Almaty-akshamy.kz inform.kz-كە سىلتەمە جاساپ.
بۇل جايىندا Astana ورتالىق شاحمات كلۋبىنىڭ باسپا ءسوز قىزمەتى ءمالىم ەتتى.
اسەل سەرىكباي 20 جاسقا دەيىنگى قىزدار اراسىنداعى World Junior Chess Championship 2022 Girls تۋرنيرىندە كۇمىس جۇلدەگە يە بولعان.
ال مەرۋەرت كاماليدەنوۆا وسى جارىستىڭ قورىتىندىسى بويىنشا 11 ۇپايدىڭ سەگىزىن جيناپ، ءۇشىنشى ورىنعا تابان تىرەدى.
سونداي-اق قازاقستاندىق ليا قۇرمانعالييەۆا باسەكەنى 6-ورىنمەن اياقتادى.
ەسكە سالا كەتەيىك، اسەل سەرىكباي - شاحماتتان ءۇش دۇركىن الەم چەمپيونى، جەتى مارتە ازيا چەمپيونى بولعان، ايەلدەر اراسىندا حالىقارالىق سپورت شەبەرى، ق ر ۇلتتىق ايەلدەر قۇراما كومانداسىنىڭ مۇشەسى.
مەرۋەرت كاماليدەنوۆا دا - تاياۋدا پرەزيدەنت قابىلداۋىندا بولعان قازاقستاندىق شاحماتشى قىزدار قۇراماسىنىڭ مۇشەسى.
مەرۋەرت قازاقستان قىزدار قۇراماسى ساپىندا دۇنيەجۇزىلىك شاحمات وليمپياداسىنا قاتىستى .
جىل باسىندا استانالىق 10-سىنىپ وقۋشىسى الەمدەگى ۇزدىك 50 شاحماتشىنىڭ تىزىمىنە ەنگەن بولاتىن.
مەرۋەرت كاماليدەنوۆا يتاليانىڭ كاتتوليكا قالاسىندا وتكەن Grandiscacchi International Chess Festival 2022 چەمپيوناتىندا الەمنىڭ توپ-50 ۇزدىك شاحماتشىسىنىڭ تىزىمىنە ەندى.