پاۆلودار وبلىسىنىڭ پوليسەيلەرى ەسىرتكى تاراتقان دەگەن كۇدىكپەن رەپ ورىنداۋشىسى مەن دىبىس جازۋ ستۋدياسىنىڭ پروديۋسەرىن ۇستادى، دەپ حابارلايدى اlmaty-akshamy.kz.
پاۆلودار وبلىستىق پوليسيا دەپارتامەنتىنىڭ باسپا ءسوز قىزمەتىنىڭ مالىمدەۋىنشە، ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى تىيىم سالىنعان زاتتاردى تاراتقان دەگەن كۇدىكپەن مۋزىكانت پەن پروديۋسەردى ۇستادى. تەرگەۋ نۇسقاسى بويىنشا، ۇستالعاندار پاۆلوداردا قاشىقتان ەسىرتكى ساتپاق بولعان.
پوليسيانىڭ مالىمەتىنشە، استانالىق رەپەر مەن پروديۋسەر ەسىرتكىنى زاڭسىز ينتەرنەت-دۇكەننىڭ مۇددەسى ءۇشىن تاراتقان.
"جەدەل ىزدەستىرۋ شارالارى بارىسىندا 28 جاستاعى رەپەر ۇستالدى، ونىڭ تۇرعىلىقتى جەرىن ءتىنتۋ كەزىندە ءبىر وراما كاننابيس پەن ۇيالى تەلەفون تابىلدى. 27 جاستاعى ازاماتقا تيەسىلى دىبىس جازۋ ستۋدياسىن ءتىنتۋ كەزىندە وسىمدىك تەكتەس ەسىرتكى زاتتارى، تاۋاردى وراۋعا ارنالعان ەلەكتروندى تارازىلار مەن نوۋتبۋك تابىلدى"، - دەدى پاۆلودار وبلىستىق پد باستىعىنىڭ ورىنباسارى بولات نۇرسەيىتوۆ.
ۇستالعاندارعا قاتىستى قازاقستان رەسپۋبليكاسىنىڭ قىلمىستىق كودەكسiءنىڭ 297-بابىنىڭ 3-بولىگى بويىنشا سوتقا دەيىنگى تەرگەۋ باستالدى. كۇدىكتىلەر قاماۋعا الىندى.