بۇگىن «قازاقستاندىق قوعامدىق دامۋ ينستيتۋتى» كەاق باسقارما ءتوراعاسى بولىپ نۇربەك ماتجاني تاعايىندالدى. بۇل تۋرالى اقپارات جانە قوعامدىق دامۋ ءمينيسترى دارحان ءقىدىرالى الەۋمەتتىك جەلىدەگى پاراقشاسىندا جازدى، دەپ حابارلايدى Almaty-akshamy.kz.
نۇربەك ماتجاني - Northwestern ۋنيۆەرسيتەتىنىڭ مەنەدجمەنت ماگيسترى، جەكە كونسالتينگ.
ءبىلىمى: 2007 - 2011 ج.ج. – ماشينا جاساۋ باكالاۆرى، ق. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن (الماتى)؛ 2018 - 2020 ج.ج. – ينجەنەرلىك مەنەدجمەنت ماگيسترى، Northwestern University، ەۆانستون، يللينويس، اقش.
ەڭبەك ءوتىلى: «WikiBilim» قوعامدىق قورىندا ۇيلەستىرۋشى، پرەزيدەنت؛ قىزىلوردا وبلىسى اكىمىنىڭ اپپاراتىندا مامان؛ «Bilim Media Group» جشس-دە باسقارۋشى ديرەكتور، «Atom Media» جشس-دە اتقارۋشى ديرەكتور قىزمەتىن اتقارعان. 2020 جىلدان باستاپ جەكە كونسالتينگ.
***
سونداي-اق، بۇعان دەيىن وسى قىزمەتتى اتقارعان قازبەك ءومىرزاق ۇلى مايگەلدينوۆ «قوعامدىق كەلىسىم» رمم ديرەكتورى بولىپ تاعايىندالدى.
قازبەك مايگەلدينوۆ 1983 جىلدىڭ 3 قاراشاسىندا دۇنيەگە كەلگەن.
2005 جىلى ءو. بايقوڭىروۆ اتىنداعى جەزقازعان ۋنيۆەرسيتەتىن «تاريح» ماماندىعى، 2007 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ ماگيستراتۋراسىن «ارحەولوگيا جانە ەتنولوگيا» ماماندىعى، 2018 جىلى قاراعاندى ەكونوميكالىق قازتۇتىنۋوداعى ۋنيۆەرسيتەتىن «قۇقىقتانۋ: ەكونوميكا سالاسىنداعى قۇقىقتىق رەتتەۋ» ماماندىعى، 2021 جىلى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ دوكتورانتۋراسىن «ساياساتتانۋ» ماماندىعى بويىنشا ءبىتىردى.
«ارحەولوگيا ينستيتۋتى» رمقك جالپى ارحەولوگيا ءبولىمىنىڭ عىلىمي قىزمەتكەرى؛ عىلىمي-زەرتتەۋ ينستيتۋتىنىڭ جەتەكشى عىلىمي قىزمەتكەرى؛ ق ر پرەزيدەنتى اكىمشىلىگىنىڭ قۇرىلىمدىق بولىمشەلەرىندە مامان؛ ەۋرازيالىق ينتەگراسيا ينستيتۋتىنىڭ عىلىمي زەرتتەۋلەر جانە تالداۋ ورتالىعىنىڭ باسشىسى؛ «قازاقستاندىق قوعامدىق دامۋ ينستيتۋتى» كەاق قوعامدىق پروسەستەردى زەرتتەۋ ورتالىعىنىڭ جەتەكشىسى قىزمەتتەرىن اتقارعان.
2022 جىلى ق ر پرەزيدەنتى جانىنداعى ۇلتتىق قۇرىلتايدىڭ قۇرامىنا كىردى.
«بلوگوسفەرا كوشباسشىسى-2020» نوميناسياسى بويىنشا «حالىق سۇيىكتىسى» ۇلتتىق سىيلىعىنىڭ يەگەرى. 40-تان استام عىلىمي ماقالا اۆتورى.