ءاليحان سمايىلوۆ سۋ شارۋاشىلىعى عىلىمىن دامىتۋدى تاپسىردى

عىلىم مەن بىلىمگە دە ەرەكشە كوڭىل ءبولۋ كەرەك

قازاقستاندا سۋ شارۋاشىلىعى عىلىمى دامىتىلادى. بۇل تۋرالى بۇگىن ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن قازاقستان سۋ كەڭەسىنىڭ وتىرىسىندا ايتىلدى، دەپ حابارلايدى Almaty-akshamy.kz primeminister.kz سايتىنا سىلتەمە جاساپ.

كەڭەستە سۋ رەسۋرستارى كوميتەتىنىڭ جانە ونىڭ باسسەيندىك ينسپەكسيالارىنىڭ كادرلىق الەۋەتىن نىعايتۋ، سونداي-اق ولاردىڭ ماتەريالدىق-تەحنيكالىق جاراقتاندىرىلۋىن جاقسارتۋ ماسەلەلەرى قارالدى.

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆتىڭ حابارلاۋىنشا، ەلدىڭ سۋ رەسۋرستارىن باسقارۋ تيىمدىلىگىن ارتتىرۋ ءۇشىن سۋ رەسۋرستارى كوميتەتىنىڭ ۇيىمدىق قۇرىلىمىن قايتا قاراۋ جانە كۇشەيتۋ، سونداي-اق اۋماقتىق باسسەيندىك ينسپەكسيالاردى ايتارلىقتاي نىعايتۋ ۇسىنىلىپ وتىر.

پرەمەر-مينيستر ءتيىستى بولىمشەلەردى ماتەريالدىق-تەحنيكالىق جاعىنان قامتاماسىز ەتۋدى كەڭەيتۋ جونىندەگى ۇسىنىستى قولدادى. بۇل رەتتە ول ەكولوگيا مينيسترلىگىنە كادر ساياساتىنا قاتىستى ۇسىنىلىپ وتىرعان شارالارعا قوسىمشا تالداۋ جۇرگىزۋدى تاپسىردى.

«عىلىم مەن بىلىمگە دە ەرەكشە كوڭىل ءبولۋ كەرەك. سۋ شارۋاشىلىعى عىلىمىن دامىتۋ، ءتيىستى ءعزي-دى كۇشەيتۋ بويىنشا ۇسىنىستار بەرىڭىز، ويتكەنى عىلىمسىز بۇل سالانى دامىتا المايمىز. كادرلاردى دايارلاۋ كەزىندە زاماناۋي كاسىبي ستاندارتتاردى ەنگىزۋگە باسا نازار اۋدارىلۋى ءتيىس»، — دەدى ءاليحان سمايىلوۆ.