قازاقستاندىق پوليسەيلەردىڭ ادالدىعى تەكسەرىلەدى

الماتى قالاسىندا پاترۋلدىك پوليسياسىنىڭ جەكە قۇرامى نۇسقاۋلىقتان ءوتتى.

ىشكى ىستەر ءمينيسترى مارات احمەتجانوۆتىڭ تاپسىرماسى بويىنشا ونىڭ ورىنباسارلارى الماتى جانە استانا قالالارىنىڭ پاترۋلدىك پوليسياسىنىڭ جەكە قۇرامىنا نۇسقاۋلىق وتكىزدى، - دەپ حابارلايدى اlmaty-akshamy.kz ءتىلشىسى Polisia.kz باسىلىمىنا سىلتەمە جاساپ.

مارات قوجايەۆ پەن يگور لەپەحا ەلىمىزدىڭ ەكى قالاسىندا قوعامدىق ءتارتىپتى جانە حالىقتىڭ قاۋىپسىزدىگىن قورعاۋدى قامتاماسىز ەتەتىن قىزمەتكەرلەردىڭ دايىندىعىن تەكسەردى. ولار قوعامنىڭ سۇرانىستارىنا دەن قويىپ، قيىن جاعدايعا تاپ بولعان ازاماتتارعا ۋاقتىلى كومەك كورسەتۋگە، سونداي-اق، كوركەم مىنەز بەن ەتيكالىق نورمالاردى ساقتاۋعا باعىتتالعان پوليسيانىڭ سەرۆيستىك مودەلى اياسىنداعى جۇمىستى ەسكە سالدى. سونداي-اق پوليسەيلەردىڭ زاڭدىلىق پەن ءتارتىپتى ساقتاۋىنا باسا نازار اۋدارىلدى.

ءىىم قازاقستان رەسپۋبليكاسىنىڭ 2022-2026 جىلدارعا ارنالعان سىبايلاس جەمقورلىققا قارسى ساياساتىنىڭ تۇجىرىمداماسىن ىسكە اسىرۋ شەڭبەرىندە پوليسيا قىزمەتكەرلەرىن ادالدىققا تەكسەرۋ تەتىگىن ەنگىزۋ ماسەلەسىن پىسىقتاپ جاتىر (Integrity سھەسك). 

پيلوتتىق جوبانى پاترۋلدىك پوليسيادا سىناقتان وتكىزۋ جوسپارلانىپ وتىر. سەبەبى ءدال وسى قىزمەتتىڭ قىزمەتكەرلەرى كۇن سايىن حالىقپەن ءوزارا ءىس-قيمىل جاسايدى. تەكسەرۋدى ءار ءتۇرلى جاعدايلاردى مودەلدەۋ ارقىلى وزىندىك قاۋىپسىزدىك بولىمشەلەرى جۇرگىزەتىن بولادى.

نەگىزگى ماقسات - قۇقىق بۇزۋشىلىقتاردىڭ الدىن الۋ جانە پوليسيا قىزمەتكەرلەرىندە سىبايلاس جەمقورلىققا قارسى يممۋنيتەت قالىپتاستىرۋ.