سيفرلىق دامۋ جانە اەروعارىش ونەركاسىبى ءمينيسترى جاسلان مادييەۆتىڭ ايتۋىنشا، پويىزداردى سپۋتنيكتىك ينتەرنەتپەن قامتاماسىز ەتۋ جوسپاردا بار، دەپ حابارلايدى aqshamnews.kz
– جولاۋشىلار پويىزدارىن OneWeb جانە Starlink سپۋتنيكتىك ينتەرنەتىمەن قامتۋ جوسپارلانىپ وتىر، – دەدى مادييەۆ.
Starlink سپۋتنيكتىك بايلانىسى امەريكالىق ميللياردەر يلون ماسكقا تيەسىلى، ال OneWeb – Eutelsat Group كومپانياسىنا قارايدى. Eutelsat OneWeb – ۇلىبريتانيادا ورنالاسقان Eutelsat Group-تىڭ ەنشىلەس كومپانياسى. سونىمەن قاتار Eutelsat Group OneWeb اكسيالارىنىڭ 24%-ىنا يەلىك ەتەدى. بۇدان بولەك، OneWebء-تىڭ اكسيونەرلەرى قاتارىندا ۇلىبريتانيا ۇكىمەتى مەن Bharti Global بار.
جاسلان مادييەۆتىڭ ايتۋىنشا، Starlink ءقازىردىڭ وزىندە «استانا – بۋراباي» پويىزىندا پيلوتتىق رەجيمدە قولجەتىمدى. OneWeb جوباسىن ىسكە قوسۋ ماسەلەسى دە قاراستىرىلىپ جاتىر.
– «جولاۋشىلار تاسىمالى» اكسيونەرلىك قوعامى «جۋسان موبايل» اكسيونەرلىك قوعامىمەن بىرلەسىپ، پويىزداردى OneWeb سپۋتنيكتىك ينتەرنەتىمەن قامتاماسىز ەتۋ بويىنشا سىناق وتكىزدى. بۇل ءۇشىن مۋلتيمەديالىق سەرۆيستەردىڭ جابدىعى OneWeb سپۋتنيكتەرىنە بەيىمدەلدى. پيلوتتىق جوبا «استانا–الماتى» باعىتىنداعى №3 جانە №4 Talgo پويىزدارىندا، سونداي-اق «استانا–وسكەمەن» باعىتىنداعى №67-68 پويىزدارىندا جۇزەگە استى. دەرەكتەردى بەرۋ جىلدامدىعى – سەكۋندىنا 100 مبيت، – دەدى مينيستر.
پيلوتتىق جوبانىڭ ناتيجەسى بويىنشا سيفرلىق دامۋ مينيسترلىگى پويىزداردى سپۋتنيكتىك ينتەرنەتكە قوسۋ جۇمىسىن كەڭەيتۋگە نيەتتى.