بۇگىن قازاقستاندىق پارا سپورتشى تەمىرحان دايىربەك اكادەميالىق ەسكەك ەسۋدەن ازيا چەمپيوناتىندا جەڭىسكە جەتىپ، پاريج-2024 پاراليمپيادا ويىندارىنىڭ ليسەنزياسىنا يە بولدى.
چەمپيونات 18-21 ءساۋىر ارالىعىندا و.كورەيانىڭ چۋندجا ق. ءوتتى، دەپ حابارلايدى Almaty-akshamy.kz.
تەمىرحان PR1m1X اكادەميالىق ەسكەك ەسۋدەن 2000 م قاشىقتىقتى 9 مينۋت 38.81 سەكۋندتا ءوتىپ، ءبىرىنشى ورىنعا يە بولدى. ەكىنشى ورىندى 9:40.52 ناتيجەسىمەن جاپوندىق سپورتشى موري تاكۋيا يەلەندى، ال ءۇشىنشى ورىنعا 10:01.15. ۋاقىتىمەن شري-لانكانىڭ سپورتشىسى پريامال دجاكودي تۇراقتادى.
تەمىرحان دايىربەك - 2004 جىلى تۋىلعان، تۇركىستان وبلىسىنىڭ سپورتشىسى. پارا اكادەميالىق ەسكەك ەسۋمەن تەك 1 جىل عانا كاسىبي تۇرعىدا اينالاسىپ كەلەدى. ونىڭ جەكە ترەنەرى فاررۋح حامراكۋلوۆ.
بۇل قازاقستاندىق سپورتشىلاردىڭ پاريج-2024 پاراليمپيادا ويىندارىنا ۇتىپ العان 12ء-شى ليسەنزياسى. بۇعان دەيىن پارا پاۋەرليفتينگتەن داۆيد دەگتياريەۆ، پارا كانوەدان بيبارىس سپاتاي، پارا جەڭىل اتلەتيكادان داستان مۇقاشبەكوۆ،پارا وق اتۋدان ەركىن عابباسوۆ، ۆولەيبولدى وتىرىپ ويناۋدان ۇلتتىق قۇراما كومانداسى، پارا جۇزۋدەن 3 ليسەنزيا جانە پارا تاەكۆوندودان كاميليا دوسمالوۆا، نىشان وميرالي جانە نۇرلان دومبايەۆ العان بولاتىن.
ايتا كەتسەك 17ء-شى جازعى پاراليمپيادا ويىندارى بيىل پاريجدە 28ء-شى تامىز بەن 8ء-شى قىركۇيەك ارالىعىندا وتەدى.