ق ر وقۋ-اعارتۋ مينيسترلىگىنىڭ «دارىن» رعپو جالپى ءبىلىم بەرەتىن پاندەر بويىنشا رەسپۋبليكالىق عىلىمي جوبالار كونكۋرسىنىڭ رەسپۋبليكالىق كەزەڭىن قورىتىندىلادى.
كونكۋرستىڭ باستى ماقساتى – وقۋشىلاردىڭ عىلىمي-زەرتتەۋ جانە وقۋ-تانىمدىق قىزمەتىن ىنتالاندىرۋ، دارىندى جاس زەرتتەۋشىلەردى ىرىكتەۋ جانە قولداۋ، سونداي-اق ەلىمىزدىڭ زياتكەرلىك الەۋەتىن قالىپتاستىرۋ، دەپ حابارلايدى aqshamnews.kz.
كونكۋرستىڭ قورىتىندى رەسپۋبليكالىق كەزەڭىندە 900-گە جۋىق وقۋشى ب ا ق سىنادى، ونىڭ ىشىندە اۋىلدىق ەلدى مەكەندەردەن 132 وقۋشى قاتىستى. اۋىل وقۋشىلارىنىڭ ءبىلىم دوداسىنا قاتىسۋى بيىلعى جىلى 112،9 پايىزعا ارتىپ وتىر، وتكەن جىلى 62 وقۋشى قاتىسقان بولاتىن.
كونكۋرس ەكى كەزەڭدە وتكىزىلدى: جاراتىلىستانۋ-ماتەماتيكالىق باعىتىنداعى پاندەر جانە قوعامدىق-گۋمانيتارلىق باعىتتاعى پاندەر بويىنشا.
كونكۋرستىڭ قازىلار القاسىنىڭ قۇرامىندا ەلىمىزدىڭ بەدەلدى جوعارى وقۋ ورىندارىنىڭ پروفەسسور عالىمدارى بولدى.
ماراپاتتاۋ قورىتىندىسى بويىنشا 263 وقۋشى جاراتىلىستانۋ-ماتەماتيكالىق باعىتىندا، 148 وقۋشى قوعامدىق-گۋمانيتارلىق باعىت بويىنشا ءى، ءىى، ءىىى دارەجەلى ديپلومدارمەن ماراپاتتالدى. سونىمەن قاتار، جەڭىمپازدار مەن جۇلدەگەرلەرگە ەلىمىزدىڭ جەتەكشى جوعارى وقۋ ورىندارىنا 32 رەكتورلىق گرانت تابىس ەتىلدى.
جاراتىلىستانۋ-ماتەماتيكالىق باعىتتاعى پاندەردەن ەڭ ۇزدىك جوبالار اقش-تا (وگايو شتاتى، كولۋمبۋس) 10-16 مامىردا وتەتىن Regeneron ISEF-2024 دۇنيەجۇزىلىك عىلىم جانە تەحنيكا كورمەسىنە قازاقستاننىڭ اتىنان قاتىسادى.