قازاقستاندىق وقۋشىلار قىتايدا وتكەن چەمپيوناتتا ماراپات الدى، - دەپ حابارلايدى aqshamnews.kz ءتىلشىسى.
جەتىسۋ وبلىسى ءبىلىم باسقارماسىنا قاراستى دارىندى بالالارعا ارنالعان جىلاندى مامانداندىرىلعان ليسەي-ينتەرناتىنىڭ وقۋشىلارى شانحاي قالاسىندا مامىردا وتكەن حالىقارالىق FIRST Tech Challenge چەمپيوناتىندا Connect Award ماراپاتىنا يە بولدى.
بۇل – تەك روبوت قۇراستىرۋ جارىسى ەمەس، بۇل — عىلىم، تەحنولوگيا، ينجەنەريا جانە ماتەماتيكا (STEM) سالاسىنداعى ۇزدىك جەتىستىكتەر مەن كوماندالىق رۋحتى باعالايتىن زياتكەرلىك دودا.
ءبىزدىڭ Water7 كومانداسى STEM قاۋىمداستىعىمەن تىعىز بايلانىس ورناتىپ، ءوزىنىڭ دامۋ جوسپارى مەن الەۋمەتتىك جاۋاپكەرشىلىگى ارقىلى ساراپشىلاردىڭ جوعارى باعاسىنا يە بولدى.
بۇل جەتىستىك – وقۋشىلارىمىزدىڭ ىزدەنىسى مەن ەڭبەگىنىڭ، تالىمگەرلەردىڭ قولداۋى مەن باعىت-باعدارىنىڭ، سونداي-اق ءبىلىم باسقارماسىنىڭ سەنىمى مەن قولداۋىنىڭ ناقتى ناتيجەسى.