وندا الەمنىڭ 60 ەلىنەن 240 وقۋشى قاتىستى
قازاقستان قۇراما كومانداسى سلوۆەنيانىڭ پورتوروج قالاسىندا وتكەن قىزدارعا ارنالعان ەۋروپالىق ماتەماتيكالىق وليمپياداسىندا (EGMO) ءتورت مەدالعا يە بولدى، دەپ حابارلايدى Almaty-akshamy.kz.
وليمپيادا 2023 جىلعى 13-19 ءساۋىر ارالىعىندا ءوتتى. وندا الەمنىڭ 60 ەلىنەن 240 وقۋشى قاتىستى. ەلىمىزدىڭ نامىسىن استانا مەن الماتى قالالارىنان جانە پاۆلودار وبلىسىنان ءتورت وقۋشىسى قورعادى.
قاتىسۋشىلار ماتەماتيكادان جەكە تاپسىرمالار ورىنداپ، قورىتىندى بويىنشا ءتورت وقۋشى دا ورىن الدى:
مەرەي تەميرزينوۆا (استانا قالاسى) – كۇمىس مەدال؛
اناستاسيا ودينسوۆا (پاۆلودار وبلىسى) – كۇمىس مەدال؛
اقەركە نۋراحمەتوۆا (الماتى قالاسى) – كۇمىس مەدال؛
اميرا كەنبايەۆا (الماتى قالاسى) – قولا مەدال.
ايتا كەتسەك، قازاقستان ەۋروپالىق ماتەماتيكالىق وليمپياداسىندا 2017 جىلدان بەرى قاتىسىپ كەلەدى.