3D مۇراجاي 4 بولىمنەن تۇرادى.
اباي وبلىسىنىڭ وقۋشىسى ءنۇرالى امانگەلدييەۆ قازاق حالقىنىڭ تاريحىنداعى قۇقىقتىق دەرەك كوزدەرىن زەرتتەۋ ماقساتىندا ۆيرتۋالدى 3D تۋر-مۋزەيىن ازىرلەدى، دەپ حابارلايدى Almaty-akshamy.kz
ۆيرتۋالدى الەمگە كىرگەن قوناقتى دىبىس گيد قارسى الىپ، ءار داۋىردەگى ءداستۇرلى قۇقىق پەن سوت جۇيەسىنىڭ قالىپتاسۋ جولىمەن تانىستىرادى.
3D مۇراجاي 4 بولىمنەن تۇرادى:
ءبىرىنشى – "ەجەلگى داۋىردەگى قازاقستانداعى ءداستۇرلى قۇقىق جانە سوت بيلىگى"
ەكىنشى – "ورتا عاسىرلارداعى سوت-قۇقىقتىق جۇيە"
ءۇشىنشى – "ريەۆوليۋسياعا دەيىنگى كەزەڭدەر"
ءتورتىنشى ءبولىم - "ق ر تاۋەلسىزدىك جىلدارىنداعى قۇقىقتىق جانە سوت جۇيەسىنىڭ قالىپتاسۋى مەن دامۋى" دەپ اتالادى.
وقۋشىنىڭ ايتۋىنشا، بۇل جوبا ۆيرتۋالدى كەڭىستىكتە قازاق تاريحىنداعى قۇقىقتىق جۇيەنىڭ ساق تايپاسىنان باستالىپ، بۇگىنگە دەيىنگى قالىپتاسۋ جول تۋرالى اقپارات الۋعا بولادى. وسى سالانى زەرتتەۋشىلەر ءۇشىن ءتيىمدى ءتاسىل.
"ۆيرتۋالدى مۇراجايدىڭ كومەگىمەن ءبىر نۇكتەدەن ەكىنشى نۇكتەگە وتۋگە، الىس جەرلەرگە قاراۋعا، ۇلكەيتۋگە نەمەسە كەرىسىنشە كەيبىر زاتتاردى الىستاتۋعا بولادى. 3D تۋر مۋزەيى - وقۋشىلاردىڭ تاريح پانىنە قىزىعۋشىلىعىن ارتتىرادى، قۇقىقتىق تاقىرىپتاردى مەڭگەرۋگە پايداسىن تيگىزەدى. زەرتتەۋدىڭ قالىپتى ادىستەرىنە قاراعاندا جاڭا فورمات وقۋشىلاردىڭ ىزدەنىسىن ارتتىرادى"، – دەيدى ءنۇرالى امانگەلدييەۆ.
ۆيرتۋالدى مۇراجايدىڭ تاعى ءبىر ەرەكشەلىگى - ەستۋ قابىلەتى تومەن بالالار ءۇشىن تۋردى تۇسىندىرەتىن سۋردوداۋدارماشى دا بار. وقۋشى دايىنداعان باعدارلامانى جازكەنت كەنتىنىڭ مەكتەپ ليسەيىنىڭ پەداگوگتەرى قۇقىق نەگىزدەرى پانىندە قوسىمشا ادىستەمە رەتىندە قولدانىپ، وڭ ناتيجە بەرگەن. ءنۇرالى امانگەلدييەۆتىڭ الداعى ۋاقىتتا VR تەحنولوگياسىنىڭ كومەگىمەن جاڭا جوبالاردى جۇزەگە اسىرماقشى.