قازاقستاندىق ونىمدەر قىتايدا سۇرانىسقا يە

قازاقستاندىق ونىمدەر قىتايلىق تۇتىنۋشىلار اراسىندا تانىمال بولا تۇسۋدە

قىتايداعى ەكسپو كورمەسىندە وتاندىق تاۋار وندىرۋشىلەردىڭ الۋان ءتۇرلى اسسورتيمەنتىمەن تانىسۋعا بولادى، دەپ حابارلايدى Almaty-akshamy.kz

قازاقستان «ءبىر بەلدەۋ، ءبىر جول» باستاماسىنىڭ بەلسەندى قاتىسۋشىسى بولا تۇرا، وسىمەن 4ء-شى جىل قاتارىنان اتالمىش حالىقارالىق ءىس-شارادا ءوز ونىمدەرىن ۇسىنىپ كەلەدى.

«قىتايلىقتار قازاقستاندا شىعارىلعان جوعارى ساپالى ونىمدەردى قاتتى جاقسى كورەدى. ءبىزدىڭ تاۋارلار ولاردىڭ تالاپتارىنا ساي كەلەدى. ءقازىر قىتايدا تۇيە ءسۇتى اسا سۇرانىسقا يە. بىزدە وسى ءونىمدى شىعاراتىن ەكى كومپانيا ۇسىنىلعان»، - دەيدى ق ر ۇلتتىق ستەندىنىڭ جەتەكشىسى الىبەك سمايلوۆ.

وسى جىلدىڭ باسىندا وتاندىق وندىرۋشىلەر قىتايعا 220 مىڭ قۇتى قۇرعاق تۇيە ءسۇتىن جەتكىزىپ ۇلگەرگەنىن ايتا كەتكەن ءجون.

«ءبىز ءوز ءونىمىمىزدى 100% تابيعي تۇيە سۇتىنەن الامىز. قازاقستاندا كەيبىر اۋرۋحانالار تۇيە ءسۇتىن ناۋقاستارعا تەزىرەك اياققا تۇرىپ كەتۋى ءۇشىن بەرەدى. سەبەبى تۇيە ءسۇتى وتە قۇندى. ونىڭ قۇرامىندا امينقىشقىلدارى، مينەرالدار مەن دارۋمەندەر بار. ءبىز، قىتايلىق ينۆەستورلار تۇيە ءسۇتىنىڭ پايداسىن باعالاپ، سالانىڭ بولاشاعى بارىن سەزدىك، سوندىقتان قازاقستانعا ينۆەستيسيا سالىپ وتىرمىز»، - دەيدى كومپانيا وكىلى شي ليدا. 

ايتا كەتەيىك، بيىل شانحايداعى كورمەگە قازاقستاننان 26 كاسىپورىن قاتىستى.