بوكستان ايەلدەر اراسىندا 2021 جىلدىڭ 6-19 جەلتوقسانىنا جوسپارلانعان الەم چەمپيوناتى كەيىنگە شەگەرىلدى دەپ حابارلايدى Almaty-akshamy.kz Olympic.kz-كە سىلتەمە جاساپ.
ءاىۆا اتالعان ءتۋرنيردى وتكىزگە بار كۇشىن سالعانىمان، كوپتەگەن ۇلتتىق فەدەراسيالاردىڭ ءوز ەلدەرىندەگى شەكتەۋلەرگە بايلانىستى قيىندىققا تاپ بولعانى انىقتالدى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
وسىعان وراي، ءاىۆا ديرەكتورلار كەڭەسى تۇركيا ۇلتتىق فەدەراسياسىمەن كەڭەسە كەلە، الەم چەمپيوناتىن 2022 جىلعا شەگەرۋ تۋرالى شەشىم قابىلدادى.
«كوپتەگەن كوماندالار جارىسقا دايىندالىپ جاتقاندىقتان، ولاردىڭ بۇل جاڭالىقتى اۋىر قابىلدايتىنىن بىلەمىز. الايدا، سپورتشىلار مەن رەسمي تۇلعالاردىڭ جانە وزگە دە ۇيىمداستىرۋشىلاردىڭ قاۋىپسىزدىگى ءبىرىنشى ورىندا. سوندىقتان، ءبىز تاۋەكەلگە بارا المايمىز»، - دەدى ءاىۆا پرەزيدەنتى ۋمار كرەمليەۆ.