بۇل جاعدايدىڭ سەبەبى Meta مەن قازاقستاندىق قۇقىقتاردى ۇجىمدىق باسقارۋ ۇيىمدارىنىڭ (قۇبۇ) ءبىرىنىڭ اراسىنداعى كەلىسىمنىڭ بولماۋىندا جاتىر.
ادىلەت ۆيسە-مينيسترى بوتاگوز جاقسەلەكوۆا Facebook جانە Instagram الەۋمەتتىك جەلىلەرىندە قازاقستاندىق مۋزىكانىڭ جوعالىپ كەتۋ جاعدايىنا قاتىستى پىكىر ءبىلدىردى، - دەپ حابارلايدى aqshamnews.kz
"Meta مەن قازاقستاندىق اۆتورلار اراسىنداعى قاتىناستار كوپتەگەن اۆتورلاردىڭ بولۋىنا بايلانىستى قۇقىقتاردى ۇجىمدىق باسقارۋ ۇيىمدارى ارقىلى رەتتەلەدى. Meta مەن ءبىزدىڭ ءبىر قۇبۇ اراسىندا كەلىسىم جاسالعان بولاتىن، ءبىراق قاراشانىڭ اياعىندا كەلىسىمدى ۇزارتۋ بارىسىندا تاراپتار ءوزارا تۇسىنىستىككە كەلە المادى. بۇل ماسەلە تاريفتىك مولشەرلەمەلەر مەن سىياقى تولەۋ كولەمىنە قاتىستى بولدى. سول سەبەپتى كەلىسىم ۇزارتىلعان جوق. ءبىز وسى داۋدى شەشۋگە تىرىستىق، ءبىراق ناتيجەگە جەتە المادىق، ويتكەنى ءبىر قۇبۇ-نىڭ ءوز ۇستانىمى بار، ول كەي جەرلەردە ىمىراعا كەلمەيدى، ال Meta دا ءوز تالاپتارىنان باس تارتپايدى"، – دەدى جاقسەلەكوۆا.
ول قازاقستاندا 10-نان استام قۇبۇ جۇمىس ىستەيتىنىن ەسكە سالدى.
"قازاقستاندا 15 قۇبۇ بار، ال باسقا ەلدەردە مۇنداي ۇيىمدار 1-2 عانا، سوندىقتان Meta ولارمەن كىممەن جۇمىس ىستەۋ كەرەكتىگىن جاقسى تۇسىنەدى. ءقازىر باسقا ۇيىمدار دا كەلىسسوزدەرگە قاتىسىپ جاتىر. باسەكەلەستىك جاعدايىندا كەلىسىم شارتتارى تالقىلانىپ، بەلگىلى ءبىر كەلىسىمدەرگە قول جەتكىزىلەدى دەپ ويلايمىز. جاقىن ارادا بۇل ماسەلە شەشىلەدى دەپ ۇمىتتەنەمىز"، – دەدى ۆيسە-مينيستر.
الايدا، ول قازاقستاندىق ورىنداۋشىلاردىڭ مۋزىكاسىن وسى الەۋمەتتىك جەلىلەردە پايدالانۋعا رۇقسات بەرۋ مەرزىمىن ناقتى ايتا المادى.