موتوسيكل مىنگەن جىگىتتەردىڭ ايتۋلى جارىسى ءساۋىر ايىندا فرانسيا مەن بەلگيا جانە جاپونيا تراسسالارىندا وتەدى.
دۇنيەجۇزىلىك دوداعا ىرىكتەۋدەن ىركىلمەي ءوتىپ، الەمدىك رەيتينگتە ۇزدىكتەر قاتارىنان كورىنگەن كوماندالار عانا جولداما الدى، دەپ حابارلايدى Almaty-akshamy.kz 24.kz-كە سىلتەمە جاساپ.
قازاقستاندىق كلۋب ساپىندا جەرگىلىكتى سپورتشىلاردان بولەك چەحيا ازاماتتارى دا بار. تاجىريبەلى كىشى كارل پەشەك پەن دميتريي پريسكوكو جانە مارتين ۆاشۋليندەر الەم مىقتىلارىمەن سايىسقا تۇسەدى.
«قازاقستاندا موتوسپورت ەندى عانا قاناتىن كەڭگە جايىپ كەلەدى. ءقازىر ەلدىڭ وڭتۇستىك جانە باتىس ايماقتارىندا موتوسپورتقا قىزىعۋشىلار كوپ. چەحيادان تاجىريبەلى مامانداردى شاقىرتۋ ارقىلى قازاق جاستارىن تاربيلەسەك دەگەن ماقساتىمىز بار.موتوسپورتى دامىعان يتاليا، يسپانيا، فرانسيا سەكىلدى ەلدەرمەن باسكە ءتۇسۋ قيىن. دەگەنمەن ۇزدىك ۇشتىكتەن كورىنۋ ءۇشىن كوماندا ايانىپ قالمايدى»، - قازاقستاندىق كوماندا جەتەكشىسى نۇرعازى ساتبايەۆ.