قازاقستان قۇراماسى ستەند اتۋدان ازيا چەمپيوناتىندا التىن مەدال جەڭىپ الدى، دەپ حابارلايدى Aqshamnews.kz ءتىلشىسى.
ۇلتتىق وليمپيادا كوميتەتىنىڭ مالىمەتىنشە، دوحادا (قاتار) ءوتىپ جاتقان قۇرلىقتىق بىرىنشىلىكتە قازاقستاندىق سپورتشىلار جۇلدەلى ورىنداردان كورىندى.
كوماندالىق «تراپ» جاتتىعۋىندا ەلەونورا يبراگيموۆا، اناستاسيا پريلەپينا جانە نارگيزا سارمانوۆا ۇزدىك ناتيجە كورسەتىپ، التىن مەدال يەلەندى.
جەكە سىن بويىنشا دا وتانداستارىمىز ناتيجەلى ونەر كورسەتتى. «تراپ» ديسيپليناسىندا ماكسيم بەداريەۆ پەن ەلەونورا يبراگيموۆا كۇمىس جۇلدەگە قول جەتكىزدى.
ايتا كەتەيىك، بۇعان دەيىن قازاقستاندىق مەرگەندەر «سكيت» جاتتىعۋىندا ەكى التىن، ءبىر كۇمىس جانە ءۇش قولا مەدال جەڭىپ الىپ، ەلدىڭ جالپى مەدال كەستەسىندەگى كورسەتكىشىن نىعايتقان بولاتىن.