ارمان-تىلەكتەردىڭ ورىندالۋى تەك قانا قيالعا ەمەس، دۇرىس قويىلعان ماقسات پەن ناقتى ەرەجەلەرگە بايلانىستى. ماماندار ارماندى دۇرىس تىلەۋدىڭ 7 ەرەجەسىن ۇسىنادى.
ەندەشە، 2026 جىلعا جوسپار قۇرماس بۇرىن وسى ەرەجەلەرمەن تانىسىپ شىعىڭىز.
1-ەرەجە. ارمانعا ورىن دايىنداڭىز
ومىرىڭىزگە جاڭا نارسە كەلۋى ءۇشىن الدىمەن وعان ورىن بوساتۋ قاجەت. مىسالى، جاڭا توڭازىتقىش الار الدىندا ەسكىسىن شىعارامىز نەمەسە ۇيگە جاڭا ادام كەلسە، بولمە دايىندايمىز. ارمان دا ءدال سولاي.
ءۇيىڭىزدى، بارلىق بولمەلەردى، بالكون مەن گاراجدى:
• قاجەتسىز،
• مەرزىمى وتكەن،
• سىنعان،
• پايدالانىلمايتىن زاتتاردان تازارتىڭىز.
بۇل – ءبىرىنشى ءارى وتە ماڭىزدى قادام.
كەڭەس: وسى ىسكە كەمىندە 3 كۇن ارناڭىز.
2-ەرەجە. ارمان-تىلەكتەرىڭىزدىڭ ەشكىمگە زيانى تيمەۋى كەرەك
اق پاراققا 30–40 ماقسات نەمەسە ارمان-تىلەگىڭىزدى جازىڭىز. ەڭ باستىسى – ولار ەشكىمگە زيان كەلتىرمەۋى ءتيىس.
مىسالى:
❌ «سۇيىكتىم اجىراسىپ، مەنىمەن بولسىن» دەۋ، بوتەن ادامعا زيان كەلتىرەتىن ەكولوگيالىق جاعىنان لاس تىلەك.
✅ «مەن سۇيىسپەنشىلىككە تولى باقىتتى قارىم-قاتىناستا بولامىن».
بارلىق ءتىزىمدى جازىپ بولعان سوڭ، 2026 جىلى ورىندالۋىن قالايتىن نەگىزگى 10 ماقساتتى قالدىرىڭىز.
3-ەرەجە. ارمان تەك وزىڭىزگە قاتىستى بولۋى ءتيىس
ياعني، تىلەك باسقا بىرەۋگە باعىتتالماۋى كەرەك.
مىسالى:
❌ «كۇيەۋىم كولىك الىپ بەرسىن»
❌ «ۇلىم گرانتقا ءتۇسسىن» ەمەس!
دۇرىس نۇسقاسى:
✅ «مەنىڭ قارجىلىق جاعدايىم جاقساردى»
✅ «مەن تىنىش ءارى مولشىلىقتا ءومىر ءسۇرىپ جاتىرمىن»
ەستە ساقتاڭىز: ارمان تەك ءوزىڭىز تۋرالى جازىلادى.
4-ەرەجە. ارمان شىنايى ءارى وزىڭىزگە جايلى بولسىن
ءوز ارمان-تىلەگىڭىزگە ءوزىڭىز سەنۋىڭىز قاجەت. ول قيال-عاجايىپ ەرتەگىگە ۇقساماۋى ءتيىس.
مىسالى:
«الەمگە تانىمال ادامعا تۇرمىسقا شىعامىن» – بۇل فورمالدى تۇردە زيانسىز بولعانىمەن،
شىن مانىندە ول سىزگە ساي ما، ءسىز وعان دايىنسىز با؟
ارمان:
• سىزگە قاجەت،
• قولايلى،
• ءومىر سالتىڭىزعا ساي بولۋى كەرەك.
5-ەرەجە. ارماننىڭ ورىندالۋىنا رۇقسات بەرىڭىز
كوپ ارمان قورقىنىشتىڭ قۇرساۋىندا قالىپ قويادى.
قورقىنىشتىڭ مىسالدارى:
• بەلگىسىز ورتادان قورقۋ،
• اقشادان ايىرىلىپ قالۋ،
• اپات، ساتسىزدىك تۋرالى ويلار.
ءار ارمان-تىلەگىڭىزدىڭ قاسىنا:
• 3 قورقىنىشىڭىزدى جازىڭىز،
• ولاردى لوگيكالىق تۇرعىدا جوققا شىعارىڭىز.
قورقىنىشتان ارىلعان ارمان عانا قوزعالىسقا تۇسەدى.
6-ەرەجە. ارماننىڭ ورىندالعانىن سەزىنىڭىز
ارمانىڭدى تەك ويلاۋ از، ونى سەزىنۋ كەرەك.
مىسالى، 2026 جىلى ەگيپەتكە ساياحاتتاۋدى ارمانداساڭىز:
• ىستىق كۇندى،
• قۇمدى،
• پيراميدالاردى،
• سول ساتتەگى قۋانىش پەن تاڭدانىستى ەلەستەتىڭىز.
ۆيزۋاليزاسيا ارقىلى ارمان قۋات الادى.
ەگەر ەلەستەتۋ قيىن بولسا، ءار تىلەكتىڭ قاسىنا ءوز ەموسياڭىزدى سوزبەن جازىڭىز.
7-ەرەجە. ارمانىڭىزعا ناقتى مەرزىم قويىڭىز
ءار ارمان-تىلەككە ورىندالۋ ۋاقىتىن ناقتى جازىڭىز:
• جىل،
• اي،
• كۇن.
مىسالى:
تۇرمىسقا شىعۋ – 2026 جىل، 15 ناۋرىز.
مەرزىمسىز ارمان – باعىتسىز ماقسات.
قورىتىندى
ارمان-تىلەك ورىندالۋى ءۇشىن ول:
1. ورنى دايىن،
2. ەكولوگيالىق جاعىنان تازا،
3. تەك وزىڭىزگە قاتىستى،
4. شىنايى،
5. قورقىنىشتان ازات،
6. سەزىممەن قۋاتتالعان،
7. ناقتى مەرزىمى بار بولۋى كەرەك.
ال ءسىز 2026 جىلعا نە تىلەدىڭىز؟