ەلىمىزدە ارنايى ءبىلىم بەرۋ ۇيىمدارىنىڭ جەلىسى جىل سايىن كوبەيىپ كەلەدى.
مەكتەپتەردىڭ 86%-دان استامى ينكليۋزيۆتى ءبىلىم الۋعا جاعداي جاسادى، دەپ حابارلايدى Almaty-akshamy.kz ق ر وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
بالالاردى وقۋ-تاربيە پروسەسىندە سۇيەمەلدەۋ ءۇشىن پەداگوگ-اسسيستەنت شتاتى ەنگىزىلدى. ءقازىر ولاردىڭ سانى 2،5 مىڭنان استى.
«وقۋ-اعارتۋ مينيسترلىگى «دارا» قورىمەن بىرلەسىپ 0-دەن 3 جاسقا دەيىنگى بالالارعا ارنالعان «ەرتە قولداۋ» جوباسىن ىسكە اسىرۋدا. بۇگىندە ەلىمىزدە ەرەكشە ءبىلىم بەرۋدى قاجەت ەتەتىن 200 مىڭنان استام بالا بار. 500-گە جۋىق ءبىلىم بەرۋ ۇيىمى ەرەكشە ءبىلىم بەرۋدى قاجەت ەتەتىن بالالارعا تۇزەتۋ-بىلىم بەرۋ قىزمەتتەرىن كورسەتىپ كەلەدى. سونداي-اق 1051 مەكتەپتە ينكليۋزيۆتى ءبىلىم بەرۋدى قولداۋ كابينەتتەرى جۇمىس جاسايدى»، - دەيدى ينكليۋزيۆتى جانە ارنايى ءبىلىم بەرۋ دەپارتامەنتىنىڭ ديرەكتورى لاۋرا بۋتابايەۆا.
ايتا كەتۋ كەرەك، 2019 جىلدان باستاپ ارنايى ءبىلىم بەرۋ ۇيىمدارىنىڭ جەلىسى 83 بىرلىككە، ال ەرەكشە ءبىلىم بەرۋ قاجەتتىلىكتەرى بار بالالاردى قامتۋ 20%-دان استامعا ۇلعايدى. بۇگىنگى تاڭدا بالالاردىڭ 76%-ى ارنايى پسيحولوگيالىق-پەداگوگيكالىق قولداۋمەن قامتىلعان.