2017-2021 جىلدار ارالىعىندا ماشينا جاساۋ سالاسىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى جۇرگىزۋگە نەبارى 2،3 ملرد تەڭگە جۇمسالدى دەپ حابارلايدى Almaty-akshamy.kz
اشىق نقا پورتالىندا جاريالانعان ماشينا جاساۋ سالاسىن دامىتۋدىڭ 4 جىلدىق كەشەندى جوسپارىندا وسىلاي جازىلعان، دەپ جازدى قازاقپارات.
«وتاندىق ماشينا جاساۋ ونىمدەرى الەمدىك نارىقتا جەتكىلىكسىز ۇسىنىلعان. 2021 جىلى ونىڭ ۇلەسى 0،02% عانا بولدى. ماسەلەن، رەسەيدىڭ ماشينا جاساۋ ونىمدەرىنىڭ الەمدىك ەكسپورتىنداعى ۇلەسى - 0،3%، كورەيا - 4،6%، اقش - 8،3%، گەرمانيا - 9،6%، جۇڭگو - 20%. بۇل وسى ەلدەردەگى عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى ايتارلىقتاي قارجىلاندىرۋعا بايلانىستى»، - دەپ جازىلعان قۇجاتتا.
مينيسترلىك مالىمەتىنشە، 2017-2021 جىلدار ارالىعىندا عىلىمي-زەرتتەۋ جۇمىستارىن جۇرگىزۋگە ارنالعان وڭدەۋ ونەركاسىبىندەگى ىشكى شىعىندار 12،3 ملرد تەڭگەگە تەڭەلگەن.
«وڭدەۋ ونەركاسىبىندەگى ماشينا جاساۋ سالاسىنا ارنالعان عىلىمي-زەرتتەۋ جانە تاجىريبەلىك-كونسترۋكتورلىق جۇمىستارىنا نەبارى 2،3 ملرد تەڭگە جۇمسالدى. ول جالپى قارجىنىڭ 18،8%-ى. ال مەتاللۋرگيا سالاسىنا 2،8 ملرد تەڭگە نەمەسە جالپى كولەمىنىڭ 22،6%-ى باعىتتالدى»، - دەلىنگەن يندۋستريا جانە ينفروقۇرىلىمدىق دامۋ مينيسترلىگىنىڭ تالداۋ دەرەكتەرىندە.
بۇعان دەيىن حابارلاعانىمىزداي، قازاقستانداعى ماشينا جاساۋ سالاسىن دامىتۋدىڭ 2024-2028 جىلدارعا ارنالعان كەشەندى جوسپارى بەكىتىلمەك.