بۇگىن – مەملەكەتتىك رامىزدەر كۇنى، دەپ حابارلايدى Almaty-akshamy.kz.
تاۋەلسىز قازاقستاننىڭ نىشاندارى - تۋ، ەلتاڭبا جانە ءانۇران. قازاق ەلىنىڭ بۇل نىشاندارى – مەملەكەتىمىزدىڭ دەربەستىگى مەن تاۋەلسىزدىگىن بۇكىل الەمگە تانىتۋشى. ءارى ەلىمىزدىڭ وتكەنى مەن بۇگىنى جانە بولاشاعى اراسىنداعى ساباقتاستىقتىڭ جارقىن كورىنىسى. سونداي-اق رامىزدەر – حالقىمىزدىڭ مۇقالماس رۋحىن، قاھارماندىعى مەن دانالىعىن، اسقاق ارمان-تىلەگىن جەتكىزەتىن قۇندى بەلگىلەر. مەملەكەتتىك رامىزدەرسىز تاۋەلسىز ەل بولمايدى. قازاقستان دا ءوز ەگەمەندىگىن جاريالاعان كەزدە ونى ەڭ الدىمەن تاۋەلسىز ەلدىڭ ساياسي مارتەبەسىن بىلدىرەتىن تاۋەلسىزدىك دەكلاراسياسىن قابىلداۋ ارقىلى بەكىتتى. مەملەكەتتىك رامىزدەر – بۇل كەز كەلگەن مەملەكەتتىڭ ەگەمەندىگى مەن ءبىرتۇتاستىعىن بەينەلەيتىن ونىڭ اجىراعىسىز اتريبۋتتارىنىڭ ءبىرى.