ق ر كولىك ءمينيسترى مارات قارابايەۆتىڭ كانادانىڭ مونرەال قالاسىنا جۇمىس ساپارى بارىسىندا حااۇ-نىڭ 14ء-شى اەروناۆيگاسيالىق كونفەرەنسياسى (AN-Conf/14) اياسىندا كانادا كولىك ءمينيسترىنىڭ ورىنباسارى ارۋن تانگارادجبەن كەزدەسۋى ءوتتى.
كەزدەسۋ بارىسىندا تاراپتار اۆتوجول قۇرىلىسى بويىنشا تاجىريبەمەن الماسۋ ماقساتىندا قازاقستاندىق جولشىلاردىڭ كاناداعا ساپارىن ۇيىمداستىرۋعا كەلىستى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
سونداي-اق، كانادانىڭ كولىك مينيسترلىگىنىڭ باسشىلىعىمەن ەكى ەل اراسىندا تىكەلەي اۋە قاتىناسىن اشۋدىڭ قۇقىقتىق نەگىزدەرىن قۇرۋ تۋرالى كەلىسىمگە قول جەتكىزدى.
ساپار اياسىندا كانادالىق DeHavilland جانە Bombardier اۋە كەمەلەرىن شىعاراتىن كومپانيالاردىڭ باسشىلىعىمەن شاعىن اۆياسيانى دامىتۋ تۋرالى ىنتىماقتاستىق ماسەلەلەرىن تالقىلاۋ بويىنشا كەزدەسۋلەر ءوتتى.
سونىمەن قاتار، «NDT Technologies Inc» كومپانياسىنىڭ توراعاسىمەن كەزدەسۋ ءوتتى. قوس تاراپ تەمىرجول كولىگى سالاسىنداعى ىنتىماقتاستىق ماسەلەسىن پىسىقتاۋعا كەلىستى.
انىقتاما ءۇشىن:
«NDT Technologies Inc» سيفرلىق وپتيكا، ۋلترادىبىستىق، ەلەكتروماگنيتتىك جانە لازەرلىك باقىلاۋ تەحنولوگيالارىن پايدالاناتىن اۆتوماتتاندىرىلعان جۇيەلەردى جوبالاۋ، ورناتۋ جانە تەحنيكالىق قىزمەت كورسەتۋمەن اينالىساتىن ينتەگراسيالانعان اۆتوماتتاندىرىلعان بۇزۋشىلىقتى باقىلاۋ (بب) جانە ولشەۋ جۇيەلەرىنىڭ جەتكىزۋشىسى بولىپ تابىلادى.
قازاقستاندىق جولشىلار كانادالىق ارىپتەستەرىنىڭ تاجىريبەسىن زەرتتەيدى
- اۆتور aqshamnews.kz
- 16:16، 28 تامىز 2024
سۋرەت: Gov.kz