الماتىدا بيىلعا ارنالعان جەرگىلىكتى بيۋدجەتتى ناقتىلاۋ ءۇشىن قالالىق ءماسليحاتتىڭ XXII سەسسياسى ءوتتى، دەپ حابارلايدى aqshamnews.kz
الماتى اكىمىنىڭ ورىنباسارى اسقار ءامرين ءوز سوزىندە اتاپ وتكەندەي، مەگاپوليس بيۋدجەتىنە جوسپارلانعان وزگەرىستەر سوماسى 83 ملرد تەڭگەنى قۇرايدى.
«اتالعان بيۋدجەتتى ناقتىلاۋدا بيۋدجەتتىك باعدارلامالار اكىمشىلەرى اراسىندا ىشكى قايتا ءبولۋ جانە وتكەن جىلدان باستاپ 28،1 ملرد تەڭگە سوماسىندا بوس قالدىقتاردى پايدالانۋ ەسەبىنەن پايدا بولعان 54،9 ملرد تەڭگە سوماسىنداعى قاراجات پايدالانىلاتىن بولادى»، - دەپ ءتۇسىندىردى ا. ءامرين.
الماتى قارجى باسقارماسىنىڭ باسشىسى قانات سۋحامبەكوۆتىڭ ايتۋىنشا، اتالعان قاراجات قالا تۇرعىندارى ءۇشىن باسىم جانە الەۋمەتتىك ماڭىزدى جوبالاردى ىسكە اسىرۋعا باعىتتالاتىن بولادى. ولاردىڭ ءبىرى – ءبىلىم بەرۋ سالاسىنا. بيۋدجەتتى ناقتىلاۋ شەڭبەرىندە ءبىلىم بەرۋ سالاسىنداعى قارجىلاندىرۋ 482،3 ملرد.تەڭگەگە نەمەسە قالا بيۋدجەتىنىڭ 26%-نا دەيىن ۇلعايتىلدى.
مەملەكەت باسشىسىنىڭ «جايلى مەكتەپ» جوباسىن ىسكە اسىرۋ جونىندەگى تاپسىرماسىن ورىنداۋ ماقساتىندا «اقبۇلاق» ش/ا («نۇرلى دالا» تك اۋدانىندا)، «تەرەكتى» ش/ا، روزىباكييەۆ – ليەۆيتان كوشەسىندە، «سايالى» ش/ا 5 600 ورىندىق 4 مەكتەپتىڭ قۇرىلىسى اياقتالۋدا.
سونداي-اق، مەكتەپكە دەيىنگى ءبىلىم بەرۋ ۇيىمدارىندا ورىن تاپشىلىعىن تومەندەتۋ ماقساتىندا وربيتا-3 ش/ا بالاباقشانى قايتا جاڭارتۋدى جالعاستىرۋعا 1،6 ملرد تەڭگە بولىنەدى جانە №10 شاعىن اۋداندا بالاباقشا قۇرىلىسىنىڭ باستالدى. بۇل 600-دەن استام بالانى مەكتەپكە دەيىنگى بىلىممەن قامتۋعا مۇمكىندىك بەرەدى. بۇدان باسقا، اعىمداعى جىلى تۇركسىب جانە اۋەزوۆ اۋداندارىنداعى №83 جانە №155 مەكتەپتەردى قايتا جاڭارتۋ، سونداي-اق قالانىڭ بوستاندىق اۋدانىنداعى №138 مەكتەپتى سەيسميكالىق كۇشەيتۋ اياقتالادى.
شاحماتتى دامىتۋدىڭ 2023-2027 جىلدارعا ارنالعان كەشەندى جوسپارىن ىسكە اسىرۋ ماقساتىندا جاڭا وقۋ جىلىنان باستاپ قالانىڭ 41 مەكتەبىن باستاۋىش سىنىپتاردا شاحماتتان جاڭا وقۋ ءپانىن ەنگىزۋ جوسپارلانۋدا.
سونىمەن قاتار، قارجى باسقارماسىنىڭ باسشىسى قوسىمشا قارجىلاندىرۋدىڭ ارقاسىندا 2،3 ملرد تەڭگە كولەمىندە «شاپاعات» جانە «العاباس» ش/ا سۋمەن جابدىقتاۋ جانە سۋ بۇرۋ جەلىلەرىنىڭ، سونداي-اق مەدەۋ اۋدانىنداعى كارىز جەلىلەرىنىڭ قۇرىلىسى اياقتالاتىنىن حابارلادى. بۇل سانيتارلىق ستاندارتتارعا سايكەس اتالعان اۋدانداردىڭ 20 مىڭنان استام تۇرعىنى ءۇشىن ساپالى سۋ مەن كارىزگە قولجەتىمدىلىكتى قامتاماسىز ەتۋگە مۇمكىندىك بەرەدى.
مەگاپوليستىڭ كولىك قاتىناسىن جاقسارتۋ ماقساتىندا سەيفۋللين – جانسۇگىروۆ داڭعىلىنداعى كولىك ايرىعىنىڭ قۇرىلىسى جالعاسادى.
وتىرىس بارىسىندا دەپۋتاتتار قالادا بەيبىت جينالىستار وتكىزەتىن مامانداندىرىلعان ورىنداردى وزگەرتۋ، ۆەدومستۆولىق باعىنىستى ۇيىمداردىڭ قىزمەتكەرلەرىنە ەڭبەكاقى تولەۋدى ارتتىرۋ ماسەلەلەرىن تالقىلادى.
سونداي-اق، دەپۋتاتتار جەرگىلىكتى بيۋدجەتكە جاعىمدى اسەر ەتەتىن LED-ەكراندار تۇرىندەگى وبەكتىلەرگە جارناما ورنالاستىرۋ ءۇشىن اي سايىنعى تولەماقى مولشەرلەمەلەرىن ۇلعايتۋ ۇسىنىسىن قولدادى. وسىلايشا، كۇن تارتىبىندە قارالعان مىندەتتەر قالانى ودان ءارى ساپالى دامىتۋعا جانە الماتىلىقتاردىڭ ءومىر ءسۇرۋ دەڭگەيىن ارتتىرۋعا باعىتتالدى.