انكارادا 16-شى كىتاپ كورمەسى وتۋدە
بۇل شارادا قازاقستاندىق جازۋشىلاردىڭ شىعارمالارى كوپشىلىك نازارىنا ۇسىنىلدى، دەپ حابارلايدى Almaty-akshamy.kz.
شارا بارىسىندا جامبىل جابايەۆتىڭ «كوروعلى» داستانىنىڭ، نۇرعالي ورازدىڭ «قازىعۇرت وقيعالارى» كىتابىنىڭ، باۋىرجان قاراعىز ۇلى تۋىندىسىنىڭ تۇرىك تىلىندەگى اۋدارمالارى تانىستىرىلدى.
«جامبىل اتامىزدىڭ «كوروعلى» دەگەن داستانى – بۇكىل تۇركى جۇرتىنا تاپتىرمايتىن قۇندىلىق. بۇل دا العاش رەت تۇرىك تىلىنە اۋدارىلىپ وتىر. سوندىقتان انكارا قالاسىندا ءوتىپ جاتقان اتالمىش كورمەگە ءبىزدىڭ قاتىسۋىمىز، عالىمدارىمىزدىڭ كىتاپتارىنىڭ تانىستىرىلىمى ەلىمىزدىڭ تاۋەلسىزدىك جىلدارىندا اتقارعان ۇلكەن جەتىستىگى دەپ بىلەمىز»، - دەيدى جازۋشى مالىك وتاربايەۆ.
«ءبىز ءۇشىن كىتاپ كورمەسى – رۋحاني مەرەكە. تۇرىك قالامگەرلەرىمەن ءبىراز جىلدان بەرى جاقىن ارالاسىپ تۇرامىز. ولاردىڭ شىعارمالارىن ءبىز، ءبىزدىڭ شىعارمالاردى ولار ءتارجىمالاپ وقىرماندارىنا، ەلىنە تانىستىرىپ جاتىر. قازاقستان تاۋەلسىزدىگىنىڭ 30 جىلدىعىنا وراي مەنىڭ «قازىعۇرت وقيعالارى» دەپ اتالاتىن كىتابىم تۇرىكشە باسىلىپ شىقتى»، - دەيدى جازۋشى نۇرعالي وراز.
جالپى، كىتاپ كورمەسىندە 350 جازۋشى، 200-گە جۋىق باسپا ءۇيى باس قوسقان جارمەڭكەدە 100 مىڭ دانا كىتاپ تانىستىرىلماق. ءوز كەزەگىندە تۇركيا پارلامەنتىنىڭ سپيكەرىنىڭ ايتۋىنشا، مادەني شارالار ەكى ەل ىنتىماقتاستىعىنا ەلەۋلى ۇلەس قوسادى.
«جارمەڭكەگە باۋىرلاس قازاق ەلىنىڭ جازۋشىلارى قاتىسىپ جاتقانى ۇلكەن مارتەبە. كەز كەلگەن قالاداعى كىتاپ جارمەڭكەسى ماڭىزدى. دەگەنمەن انكارا كىتاپ كورمەسىنىڭ ورنى بولەك. شاھاردا 22 ۋنيۆەرسيتەت پەن 300 مىڭنان استام ستۋدەنت ءبىلىم الادى. دەمەك، جاس وقىرماندار كوپ دەگەن ءسوز»، - دەدى تۇركيا پارلامەنتىنىڭ سپيكەرى مۇستافا شەنتوپ.