ارۋجان ساعىندىقوۆا جاستار اراسىندا رولان گارروس ءتۋرنيرىنىڭ ىرىكتەۋ سايىسىن ءساتتى باستادى.
ارۋجان ىرىكتەۋ سايىستارىنىڭ جارتىلاي فينالىندا فرانسيالىق وفاليا بۋللايمەن كەزدەستى. ەكى ساعاتقا سوزىلعان تارتىستى ماچتا قازاقستاندىق تەننيسشى 6:4، 5:7، 10:6 ەسەبىمەن جەڭىسكە جەتتى، دەپ حابارلايدى Almaty-akshamy.kz
ا.ساعىندىقوۆا ىرىكتەۋ سايىستارىنىڭ فينالىندا جاپونيالىق حايا كينوسيتامەن شەبەرلىك بايقاسادى. ىرىكتەۋ سايىستارىنىڭ 6-راكەتكاسىن جەڭسە، نەگىزگى جارىسقا جولداما الادى.
تاعى ءبىر جاس قازاقستاندىق ماكسيم باتيۋتەنكو جەرگىلىكتى ويىنشى توماس فۋرەلگە جول بەردى – 6:4، 4:6، 7:10.
قازاقستاننىڭ ايەلدەر اراسىنداعى ەكىنشى، الەمنىڭ 37-راكەتكاسى يۋليا پۋتينسيەۆا ءۇشىنشى اينالىمعا وتە المادى. ول الەمنىڭ 30-راكەتكاسى، يتاليالىق كاميلا دجوردجيدەن ۇتىلىپ قالدى – 3:6، 5:7.
يۋ.پۋتينسيەۆا جۇپتىق سىندا دا جارىس جولىنان شىعىپ قالدى. ول امەريكالىق دانيەل كولليزبەن بىرگە رۋمىنيالىق مونيكا نيكۋلەسكۋ – بەلگيالىق ەليسون ۆان ەيتۆانكتان جەڭىلدى – 6:3، 3:6، 1:6.