قازاقستاندىق جاس ونەرپازدار حالىقارالىق بايقاۋدا توپ جاردى

قازاقستاندىق جاس ونەرپازدار دۋبايدا وتكەن "دجۋمەيرا ساۋندز" ("Jumeirah Sounds") حالىقارالىق بايقاۋىنا قاتىسىپ، توپ جاردى.

سايىستا 6 ەلدەن كەلگەن تالانتتى مۋزىكانتتار ب ا ق سىنادى، دەپ حابارلايدى Almaty-akshamy.kz.

اتاپ وتەتىنى، بۇل كونكۋرس ءداستۇرلى تۇردە ۇيىمداستىرىلادى، بيىل جەتىنشى مارتە ءوتۋى. Jumeirah Sounds - الەمنىڭ جاس مۋزىكانتتارىنىڭ كوركەمدىك قابىلەتتەرى مەن مۋزىكاعا دەگەن قۇشتارلىعىن، دارىنىن انىقتايتىن بايقاۋ. 

 «بايسەيىتوۆا مەكتەبىنەن انسامبل سكريپاچەي گران پري الدى. بيىلعى كونكۋرستا ءبىز قۋانىپ وتىرمىز ينديادان كەلگەن قىز بالا گران پري الدى. كەرەمەت وينادى، سكريپكاشى. اكادەميچەسكيي ۆوكالدان گران پري الدى. سونداي بىزدە ماقتانىشتار بار»، - دەيدى قازاق ۇلتتىق ونەر ۋنيۆەرسيتەتىنىڭ پروفەسسورى، بايقاۋدى ۇيىمداستىرۋشى رايسا مۇساقوجايەۆا.

 وتاندىق مۋزىكانتتار وتكەن جىلدارى جۇڭگو، يزرايل، اقش جانە رەسەيدەن كەلگەن قاتىسۋشىلارمەن ب ا ق سىناسقان بولاتىن. بۇل جولى قازاقستانمەن بىرگە بىرىككەن اراب امىرلىكتەرى، تۇركيا، ءازىربايجان، قىرعىزستان مەن ءۇندىستاننان كەلگەن 60-تان استام ونەرپاز قاتىستى. جالپى، مۋزىكالىق بايقاۋ ۆوكالدىق جانە اسپاپتىق ورىنداۋ، تەاتر ونەرى، بەينەلەۋ ونەرى، بي سياقتى ءار ءتۇرلى جانردا ءوتتى. بايقاۋدىڭ قازىلار القاسى – الەمنىڭ ءار تۇكپىرىنەن كەلگەن ايگىلى مۋزىكانتتار مەن ۆوكاليستەر، مادەنيەت جانە ونەر قايراتكەرلەرى.

«گران-پري دەگەندە قاتتى قۋانىپ جىلاعىم كەلدى. ولار جارايسىڭ دەدى، اعايىم سەن جاقسى ايتتىڭ دەدى. جەڭىپ العان باس جۇلدەمدى قازاقستان، قازاق حالقىنا جانە وتباسىما ارنايمىن»، - بايقاۋدىڭ گران-پري يەگەرى ايىمجان جالعاسباي.