انىقتالعانداردىڭ كوبى – وزبەكستان مەن افريكا قۇرلىعى ەلدەرىنىڭ ازاماتتارى.
جەرگىلىكتى پروفيلاكتيكالىق ءىس-شارالار بارىسىندا قالاداعى كوشى-قون قىزمەتى مەن جەرگىلىكتى پوليسيا قىزمەتىنىڭ قىزمەتكەرلەرى 305 شەتەلدىكتى انىقتاپ، اكىمشىلىك جاۋاپكەرشىلىككە تارتتى، دەپ حابارايدى Almaty-akshamy.kz Polisia.kz-كە سىلتەمە جاساپ.
«پد-نىڭ قابىلداپ-تاراتۋ عيماراتىنا جەكە باسىن كۋالاندىراتىن قۇجاتى جوق 106 شەتەل ازاماتى ورنالاستىرىلدى. سوت قاۋلىسىمەن 101 شەتەلدىك قازاقستان رەسپۋبليكاسىنان شىعارىلدى. ءتيىستى شارا قولدانباعانى ءۇشىن 115 قابىلداۋشى تاراپ ق ر اقبتك-نىڭ 518-بابى بويىنشا جاۋاپكەرشىلىككە تارتىلدى: 97 جەكە تۇلعا، 18 زاڭدى تۇلعا. ءتورت كومپانياعا قاتىستى “حالىقتىڭ كوشى-قونى تۋرالى” ق ر زاڭىنا سايكەس الداعى ۋاقىتتا شەتەلدىكتەردى شاقىرۋدان باس تارتىلادى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.