گرۋزيادا EuPhO ەۋروپالىق فيزيكا وليمپياداسى اياقتالدى. ناتيجەسىندە قازاقستاندىق وقۋشىلار تاعى ءتورت مەدال يەلەنىپ، جەڭىس قورجىنىن تولىقتىردى.
بۇل تۋرالى ق ر وقۋ-اعارتۋ مينيسترلىگىنىڭ باسپا ءسوز قىزمەتى حابارلادى.
قازاقستان كومانداسىنىڭ قۇرامىندا:
بەكاسىل ەلۋباي – الماتى قالاسى فمب نزم 11-سىنىپ وقۋشىسى؛
التاير اقانوۆ – استانا قالاسى رفمم 10-سىنىپ وقۋشىسى؛
نۇرگۇل ەگەنبەرگەنوۆا – ن.نۇرماقوۆ اتىنداعى قاراعاندى وبلىستىق مامانداندىرىلعان مەكتەپ-ليسەي-ينتەرناتىنىڭ 9-سىنىپ وقۋشىسى؛
نۇراسىل بارلىبايەۆ – اتىراۋ قالاسىنىڭ № 1 «ءبىلىم-يننوۆاسيا» مەكتەپ-ينتەرناتىنىڭ 10-سىنىپ وقۋشىسى.
انىقتاما ءۇشىن: ەۋروپالىق فيزيكا وليمپياداسى جوعارى سىنىپ وقۋشىلارى اراسىندا وتكىزىلەدى. 2023 جىلى ەلىمىزدىڭ كومانداسى 1 كۇمىس، 2 قولا جانە 1 قۇرمەت گراموتاسىن جەڭىپ العان بولاتىن.