قازاقستاندىق جاس ءانشى حالىقارالىق ءان بايقاۋىندا باس جۇلدەنى جەڭىپ الدى

جاس ءانشى «قازاقپىن» ءانىن شىرقاپ، ەڭ جوعارى ۇپاي جيناعان.

10 جاستاعى رامينا ساتىبالدى ارمەنيا استاناسىندا وتكەن حالىقارالىق ءان بايقاۋىنا قازاقستان اتىنان قاتىسىپ، باس جۇلدەنى جەڭىپ الدى، دەپ حابارلايدى Almaty-akshamy.kz.

جاس ءانشى ەريەۆان تورىندە «قازاقپىن» جانە «Wrecking ball» اندەرىن شىرقاپ، ەڭ جوعارى ۇپاي جيناعان. بۇل جەڭىسى ارقىلى ول يتاليادا وتەتىن «Viva Italia» بايقاۋىنا جولداما الىپ وتىر. ايتا كەتسەك، «Golden Voice» اتتى بايقاۋعا اقش، رەسەي، ارمەنيا، ەستونيا، ليتۆا سياقتى بىرنەشە ەلدىڭ 100-دەن استام ۇمىتكەرى قاتىسقان.

«بوزتورعاي» جانە «شاتتىق» حالىقارالىق بايقاۋلارىنىڭ ديرەكتورى، حالىقارالىق بايقاۋلار مەن فەستيۆالدەر قاۋىمداستىعىنىڭ مۇشەسى، «سلاۆيانسكيي بازار ۆ ۆيتەبسكە» حالىقارالىق ونەر فەستيۆالىندەگى قازاقستاننىڭ رەسمي وكىلى قارلىعاش ابدىكارىموۆا حابارلاسىپ، رامينا قازاقستاننىڭ اتىنان شىعادى دەپ ايتتى. قاتتى قۋاندىق، بىردەن «بارامىز!» دەدىك. ديماش قۇدايبەرگەن، رۋحيا بايدۇكەنوۆا سياقتى قازاق ونەرىنىڭ ماقتانىشتارىن العاشقى ءىرى بايقاۋلارعا الىپ شىققان بىلىكتى ماماننىڭ نازارى ءبىزدىڭ قىزىمىزعا اۋعانىنا قاتتى قۋانىشتىمىز. ونىڭ راميناعا قويعان «باربي» دەگەن لاقاپ اتى ءقازىر كەڭىنەن تارالىپ كەتتى. ءبارى قىزىمىزدى «قازاق ءباربيى» دەپ تانيدى»، - دەدى ءانشىنىڭ اناسى راۋان ءمىرجۇسىپوۆا.