2022 جىلدىڭ 21 قازانىندا Qazaq Geophysics كومپانياسى پەرت (اۆستراليا) قالاسىنىڭ ماڭىنداعى اۋماقتا اەروگەوفيزيكالىق زەرتتەۋلەردى باستادى.
اەروگەوفيزيكالىق جۇمىستار MobileMT تەحنولوگياسى بويىنشا موبيليزاسيالانعان اسپالى جۇيەسى بار جەڭىل كوپماقساتتى Eurocopter تىكۇشاعىنىڭ كومەگىمەن جۇرگىزىلىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۇشاق شامامەن 150 مەتر بيىكتىكتەن 1500 مەترگە دەيىنگى تەرەڭدىكتى زەرتتەپ، پايدالى قازبالاردىڭ (التىن، مىس، پوليمەتالل جانە كسش) وشاقتارىن ىزدەيدى.
اتالعان MobileMT تەحنولوگياسى جەزقازعان، اقمولا جانە شىعىس قازاقستان وبلىستارىندا كەن ورىندارىن تابۋعا كومەكتەسكەن بولاتىن. سوندىقتان ءوز كەزەگىندە ەلىمىزدەگى تاۋ-كەن ءوندىرۋشى كومپانيالاردىڭ قورلارىنىڭ ارتىپ، دامۋىنا سەپتىگىن تيگىزەتىنى انىق.
جوعارى بىلىكتى ماماندارى جانە يننوۆاسيالىق گەوفيزيكالىق قۇرىلعىلارى بار بۇل كومپانيا قازاقستان اۋماعىنداعى گەولوگيالىق بارلاۋ جۇمىستارىن ءساتتى جۇرگىزىپ جاتىر. از ۋاقىتتا ول شەتەل نارىعىندا ۇلكەن سۇرانىسقا يە بولدى.
Qazaq Geophysics قاجەتتى ايماقتاردى انىقتاۋ ءۇشىن گەوفيزيكالىق دەرەكتەر جيناۋعا جانە ولاردى اۋقىمدىراق جۇمىستارعا، بۇرعىلاۋعا دايىنداۋ ءۇشىن باتىس اۆستراليانىڭ ءۇش اۋماعىن ۇشاقپەن زەرتتەپ شىقپاق.
«بۇل تەحنولوگيانىڭ تيىمدىلىگى ءبىزدىڭ كانادا جانە لاتىن امەريكاسىنداعى سەرىكتەستەرىمىزدىڭ جۇمىسىنان بايقالدى، وتكەن جىلى ونىڭ مۇمكىندىگىن ءوز ەلىمىزدە دە كوردىك. اۆستراليا نارىعىندا الەمدىك دەڭگەيدە تانىمال كومپانيالارمەن بىرگە جۇمىس ىستەۋ ءبىز ءۇشىن ۇلكەن جەتىستىك. وسىنداي ءىرى جوبالاردى جۇزەگە اسىرۋ ءۇشىن ءوز ماماندارىمىزدى ەڭ ۇزدىك تەحنولوگيالارعا ۇيرەتتىك. سونداي اق بۇل جوباعا MobileMT قۇراستىرۋشىلارىن، قازاقستاندا جۇمىس ىستەپ جۇرگەن كانادالىق Expert Geophysics كومپانياسىن دا تارتتىق»، - دەدى Qazaq Geophysics باس ديرەكتورى عالىم نۇرجانوۆ.
ع.نۇرجانوۆتىڭ ايتۋىنشا، مۇنداي تەحنولوگيالاردى قولدانعاننان كەيىن تاپسىرىس بەرۋشىلەر بارلاۋ جۇمىستارىنان وڭ ناتيجەلەرگە قول جەتكىزەدى، سودان سوڭ Australian Securities Exchange (AXS) قور بيرجاسىنداعى اكسيالاردىڭ دا بىرنەشە ەسەگە وسۋىنە ىقپال ەتەدى.
جوبا بارلىق تۇسىندىرمە جۇمىستارىن ەسەپتەگەندە اۆستراليادا وسى جىلدىڭ اياعىنا دەيىن جۇزەگە اسادى.
2023 جىلى Qazaq Geophysics ەلەكترو جانە ماگنيتوبارلاۋ كولەمى 21 000 ەسەپتى شاقىرىم، 30 000 ەسەپتى شاقىرىم اەروگەوفيزيكالىق زەرتتەۋلەردى جانە شامامەن جەراستى تاۋ قازبالارىنىڭ 7 ملن ش.م. 3D ءتۇسىرىلىمىن قۇرايتىن 10-نان اسا جوباعا قاتىسپاق.
ايتا كەتەيىك، Qazaq Geophysics 2021 جىلدىڭ مامىرىندا قۇرىلدى. كومپانيا اەروگەوفيزيكا، جەرۇستى گەوفيزيكا (ماگنيتوبارلاۋ، ەلەكتروبارلاۋ) سالالارىنداعى ەڭ زاماناۋي قۇرىلعىلاردى جانە جەراستى تاۋ قازبالارىنىڭ 3D تۇسىرىلىمدەرىن قولدانۋ ارقىلى، گەوفيزيكالىق جۇمىستار كەشەنىن ورىندايدى. بۇل مىندەتتەردى ورىنداۋ ءۇشىن Qazaq Geophysics-تە جوعارى بىلىكتى مامانداردان قۇرالعان شتات، ءوزىنىڭ اۆياسيالىق پاركى (تىكۇشاقتار، ۇشاقتار، كۆادروكوپتەرلەر، ۇشقىشسىز ۇشۋ اپپاراتى)، سونداي-اق مامانداندىرىلعان جانە قوسىمشا تەحنيكالارى بار. بيىلعى جىلى قازاقستاننىڭ بەس وبلىسىندا اەروگەوفيزيكالىق زەرتتەۋلەر جۇرگىزدى.