اقمولا گارنيزونىنىڭ اسكەري سوتى توتەنشە جاعدايلار جونىندەگى بۇرىنعى ءبىرىنشى ۆيسە-مينيستر ي. كۇلشىمبايەۆقا قاتىستى ۇكىمدى جاريالاندى، دەپ حابارلايدى aqshamnews.kz.
ول ءوزىنىڭ جەكە ءۇيىن سالۋ ءۇشىن اسكەري قىزمەتشىلەر مەن ارنايى تەحنيكانى تارتۋ تۋرالى ق ر توتەنشە جاعدايلار مينيسترلىگىنىڭ ۆەدومستۆولىق باعىنىستى مەكەمەلەرىنىڭ باسشىلىعىنا زاڭسىز نۇسقاۋلار بەرۋ ارقىلى بيلىكتى اسىرا پايدالانعانى ءۇشىن كىنالى دەپ تانىلدى.
سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويىنا تىيىم سالىنا وتىرىپ، 5 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى. سونىمەن قاتار، سوت مەملەكەت باسشىسىنىڭ اتىنا كۇلشىمبايەۆتى گەنەرال-مايور اسكەري اتاعىنان ايىرۋ تۋرالى ۇسىنىس ەنگىزۋگە قاۋلى ەتتى.