قازاقستاندىق رەجيسسەر ءادىلحان ەرجانوۆتىڭ تۋىندىسى بريۋسەلدەگى فانتاستيكالىق فيلمدەردىڭ حالىقارالىق فەستيۆالىندە باس جۇلدەنى جەڭىپ الدى.
«دالا قاسقىرى» جۇمىسى «حالىقارالىق فيلم» اتالىمى بويىنشا ۇزدىك دەپ تانىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
40 جىلدىق تاريحى بار فەستيۆالگە جىل سايىن 50 مىڭعا دەيىن ادام جينالادى. بيىل وندا 60 تۋىندى كورسەتىلگەن.
«ەندى «دالا قاسقىرى» مەنىڭ سۇيىكتى فيلمدەرىمنىڭ تىزىمىندە بولادى. ماعان قاتتى ۇنادى. ءاربىر كادرى – ناعىز تۋىندى. ايگىلى شەبەر يەرونيم بوسحتىڭ سۋرەتتەرىن كورىپ وتىرعانداي سەزىمدە بولدىم. رەجيسسەردىڭ بۇل جۇمىسى قازاقستاندىق كينونى جاڭا دەڭگەيگە شىعارادى دەپ ويلايمىن. كورۋگە تۇرارلىق تۋىندى. راقمەت، قازاقستان»! - فەستيۆالدىڭ باسپا ءسوز مەنەدجەرى دجوناتان لەناەرتس.